औरंगाबाद - मुख्यमंत्री उद्धव ठाकरे (CM Uddhav Thackeray) यांच्याबाबत केंद्रीय मंत्री नारायण राणे (Narayan Rane) यांच्या आक्षेपार्ह विधानाच्या निषेधार्थ औरंगाबादेत (Aurangabad) शिवसेनेच्या (Shiv Sena) वतीने मंगळवारी (ता.२४) क्रांती चौक पोलिस ठाण्यासमोर ठिय्या आंदोलन केले. यावेळी राणेंविरोधात तक्रार देण्यात आली. या आंदोलनाचे नेतृत्व आमदार तथा शिवसेना जिल्हाप्रमुख अंबादास दानवे (MLC Ambadas Danve) यांनी केले. त्यानंतर क्रांती चौकात नारायण राणे यांच्या फोटोला जोडे मारो आंदोलन करण्यात आले. यावेळी फोटोला जोडे मारण्यात आले. या प्रसंगी कोंबड्या सोडण्यात आल्या. कोंबडी चोर नारायण राणेचा धिक्कार असो, नारायण राणे कोंबडी चोर, अशा घोषणा देण्यात आल्या.

केंद्रीय मंत्री असूनही शिवसेनेवर गरळ ओकली आहे, त्यामुळे त्यांनी कोंबड्या चोरीचा व्यवसाय सुरु करावा, अशी टीका श्री.दानवे यांनी राणेंवर केली.