मराठा आरक्षणाच्या मागणीसाठी राज्यात आंदोलन सुरू असून, राज्याच्या काही भागात आंदोलनाला हिंसक वळण लागल्याचे दिसून येत आहे. नांदेड आणि बीड जिल्ह्यातील एसटी बसवर दगडफेक करण्यात आली, बस देखील पेटवली आहे. या घडामोडींच्या पार्श्वभूमीवर खबरदारीचा उपाय म्हणून छत्रपती संभाजीनगर जिल्ह्यातील बस स्थानकातून काही बस रद्द करण्यात आल्या आहे.

छत्रपती संभाजीनगर शहरातील बस स्थानकातून कन्नड, पैठण, बीड आणि जालना या ठिकाणी जाणाऱ्या सर्व बसेस रद्द करण्यात आल्या आहे. तर, सिल्लोड आणि पुणे या महामार्गावरील बस सध्या सुरू असल्याची माहिती एसटी महामंडळाच्या अधिकाऱ्यांनी दिली आहे.(Latest Marathi News)

बीड-कल्याण एसटी बसवर दगडफेक

बीड कल्याण बसवर तुफान दगडफेक करत एसटी बस फोडण्यात आली आहे. बीडच्या सराटा गाव परिसरात ही घटना घडली असून मराठा आंदोलक बस फोडून घटनास्थळावरून निघून गेले. बीडमध्ये मध्यरात्री बायपास रोडला टायर जाळून निषेध करण्यात आला. तर बीडच्या धुळे सोलापूर रोडवर एक बस जाळण्यात आली. आज सकाळी पुन्हा एकदा बीड पासून काही अंतरावर असलेला चराटा फाटा या ठिकाणी कल्याण गाडीची तोडफोड करण्यात आली आहे.

उमरखेडमध्ये अज्ञातांनी बसला लावली आग

नांदेडहून नागपूरच्या दिशेने जाणाऱ्या अज्ञात व्यक्तींनी बसला आग लावली. शुक्रवारी रात्री ११.३० च्या सुमारास ही घटना घडली. या आगीत बस जळून पूर्णत: खाक झाली.

या घटनेनंतर रात्री बस बंद करण्यात आल्या होत्या. मात्र, पुन्हा एकदा सकाळी बस चालू झाल्या. आंदोलकांनी बीडच्या सराटा फाटा रोडला कल्याण गाडीवर दगडफेक करत या गाडीचं नुकसान केलं.(Latest Marathi News)