औरंगाबाद : दोन दिवसांपूर्वी मातेचे निधन झाले. त्यातच दहावीची परीक्षा सुरू. तो रडला... दुःखी झाला... पण त्याने लगेच स्वतःला सावरले. द्विधा मनःस्थितीतही त्याने धैर्य राखून दहावीचा पेपर दिला.
अक्षत दत्तात्रेय दुरतकर (वय १५) या विद्यार्थ्याच्या आईचे रविवारी (ता. १३) अचानक निधन झाले. शोकाकुल वातावरणात जड अंतःकरणाने आईवर अंत्यसंस्कार केले. एकीकडे आई गेल्याचे दुःख आणि दुसरीकडे आयुष्य घडविणारी परीक्षा अशा द्विधा मनःस्थितीत अक्षतने मंगळवारी (ता. १५) तिसऱ्या दिवसाचा विधी करून मराठीचा पेपर दिला. अक्षतची आई विद्या दुरतकर (वय ४७) या दोन-चार दिवसांपासून सर्दी, तापामुळे आजारी होत्या.
परीक्षेसाठी आईने आणला होता शर्ट
परीक्षेला जाण्यासाठी विद्या दुरतकर यांनी मुलासाठी त्याच्या आवडीचा नवीन शर्ट आणला होता. तो शर्ट घालून मुलगा परीक्षेला जाताना पाहण्याची आईची इच्छा होती. तोच शर्ट घालून अक्षत मंगळवारी परीक्षेला आला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.