सोयगाव (जि.औरंगाबाद): कोरोनाच्या भीतीमुळे सुट्ट्यांमध्ये जवळ असलेल्या मामाच्या गावी गेलेले दोन भाचे आणि त्यांच्या मामांचा तलावात बैलगाडी उलट्याने बुडून मृत्यु झाला. शुक्रवार (ता.२७) रोजी मोलखेडा (ता.सोयगाव) येथे ही घटना घाडली. या प्रकरणी फर्दापुर पोलिसांनी आकस्मित मृत्युची नोंद केली. 

सध्या सर्वत्र कोरोनाची भीती असल्याने नांदा तांडा शेतकरी असलेले श्‍यामराव राठोड यांच्या घरी शाळेला सुट्टी असल्यामुळे त्यांचे भाचे हे देव्हारी गावातून आले होते. ओम प्रकाश चव्हाण (वय १०) आणि त्याची बहिणी पल्लवी प्रकाश चव्हाण (वय १२) हे शुक्रवार (ता.२७) रोजी. मोलखेडा शिवारातील पाझर तलावात बैलांना पाणी पाजण्यासाठी गेले.

हेही वाचा- गावोगावी अनोळखी व्यक्तींना बंदी

मात्र बैलगाडी न सोडता त्यांनी तसेच बैलगाडी पाझर तलावात नेली. यामध्ये बैल ओढले गेल्याने तलावात बैलगाडी उलटली. यात मध्ये मामा श्‍यामराव राठोड आणि त्यांचे भाची पल्लवी, प्रकाश यांचा बुडून मृत्यू झाला. घटनेची माहिती मिळताच येथे गावकऱ्यांनी धाव घेऊन त्यांचा बाहेर काढले मात्र यामध्ये तिघांचा मृत्यू झाला तसेच यामध्ये एका बैलाचा सुद्धा मृत्यू झाला. फर्दापूर पोलिसांनी घटनास्थळी पंचनामा करुन मृतदेह सावळदबारा प्राथमिक आरोग्य केंद्रात शवविच्छेदनासाठी नेले.