राज्यात औरंगजेबाचे आक्षेपार्ह स्टेटस ठेवल्यावरून काही शहरात तणावाची परिस्थिती निर्माण झाल्याचे पाहायला मिळत आहे. कोल्हापूर येथे झालेल्या प्रकारानंतर आता बीड जिल्ह्यातील आष्टी शहरात देखील तणावाचं वातावरण तयार झालं आहे.

मिळालेल्या माहितीनुसार, शहरात औरंगजेबाचं वादग्रस्त स्टेटस ठेवल्याने रात्रीपासून तणावाचे वातावरण असून पोलिसांनी रात्री उशिरा याप्रकरणी संबंधीत तरुणावर गुन्हा दाखल केला आहे. या प्रकारानंतर हिंदुत्ववादी संघटनांनी केलेल्या आवाहनानंतर आज, ९ जून रोजी आष्टी येथे बंद पाळण्यात आला आहे. या स्टेटसमुळे दोन्ही समाजात तेढ निर्माण झाल्याची तक्रार आष्टी पोलिसांकडे देण्यात आली आहे.

एबीपी माझाने दिलेल्या वृत्तानुसार, यापूर्वी घडलेल्या घटनांप्रमाणे आष्टी येथील एका तरुणांने औरंगजेबाचं स्टेटस ठेवलं होतं. ही बाब दुसऱ्या तरुणांच्या लक्षात आल्यानंतर लोका पोलिस स्टेशनमध्ये पोहचसे. अखेर रात्री उशीरा आष्टी पोलिस स्टेशनमध्ये संबंधीत तरुणावर गुन्हा दाखल झाला आहे. यानंतर हिंदुत्ववादी संघटनांनी शहर बंदची घोषणा केली त्यानंतर आजा आष्टी येथे कडकडीत बंद पाळण्यात आला. या प्रकरामुळे शहरात तणावपूर्ण शांतत असून पोलिस परिस्थितीवर लक्ष ठेवून आहेत.