बीड जिल्ह्यातून एका भीषण अपघाताची माहिती समोर आली आहे. बीडच्या मांजरसुंबा-पाटोदा महामार्गावर कंटेनर व पिकअपचा भीषण अपघात असून या दुर्घटनेत 5 जण जागीच ठार झाले आहेत. नितीन घरत, प्रल्हाद घरत, विनोद सानप असे पीकअप मधील मयतांची नावे आहेत.कंटेनरमधील चालकासह अन्य 1 जण ठार झाला आहे.

मिळालेल्या माहितीनुसार, या अपघातानंतर नेकनूर पोलिस घटनास्थळी दाखल झाले. त्यांनी मृतदेह बाहेर काढत जखमींना रुग्णालयात दाखल केले.या भीषण अपघातानंतर कंटेनरमधील लोखंडी पाईप रस्त्यावर पसरल्याने काही काळासाठी वाहतूक खोळंबली होती.