नेकनूर (जि.बीड) : धारूर आणि पैठण येथील कुटुंबीयांनी विवाहासाठी निवडलेले मांजरसुंबा हे ठिकाण अडचणीचे ठरले. बुधवारी (ता.सात) बोहल्यावर चढलेल्या नवरा-नवरीसह विवाहास उपस्थित असणाऱ्या ३०० उपस्थितांना नेकनूर पोलिसांनी सायंकाळी सव्वासात वाजता कारवाईचा दणका दिला. मांजरसुंबा येथील बीड रस्त्यावर असणाऱ्या कन्हैय्या लॉन्स या ठिकाणी मोठ्या प्रमाणात प्रमाणात गर्दी झाल्याचे नेकनूर पोलिसांना कळल्यानंतर त्यांनी तिकडे धाव घेतली. या ठिकाणी धारूर येथील अमित अर्जुन गायकवाड आणि पैठण (जि. औरंगाबाद) येथील ऋतुजा दीपकराव चव्हाण या दोघांचा विवाह सोहळा होत असल्याने गर्दी दिसून आली.
यामुळे साथरोग, आपत्ती व्यवस्थापन आधी कलमाचे उल्लंघन झाल्याने ग्रामसेवक जगदीश कडू फिर्यादीवरून नवरा, नवरी त्यांचे आई-वडील मामा, लग्न लावणारे ब्राह्मण, मॅनेजर यांच्यासह इतर तीनशे लोकांवर साथरोग आपत्ती व्यवस्थापन या कलमाखाली नेकनूर पोलिस ठाण्यामध्ये गुन्हा दाखल करण्यात आला. ही कारवाईत सहायक पोलिस निरीक्षक लक्ष्मण केंद्रे, फौजदार विलास जाधव यांच्यासह कर्मचाऱ्यांनी केली.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.