Beed Crime News : बीडमधून एक धक्कादायक बातमी समोर आली आहे. बीडच्या केज तालुक्यातील औरंगपूर येथील इयत्ता 8 वी मध्ये शिकणाऱ्या एका विद्यार्थिनीने सतत होणाऱ्या छेडछाडीला कंटाळून आपले जीवन संपवल्याची घटना घडली आहे. या अल्पवयीन मुलीने ५ तारखेला विष प्राशन केले होतं.
त्यानंतर तिच्यावर अंबाजोगाई येथील रुग्णालयात उपचार सुरू असताना दिनांक 12 रोजी तिचा मृत्यू झाला आहे. आता या प्रकरणात तिच्या कुटुंबीयांनी दिलेल्या तक्रारीवरून कुंबेफळ येथील दोन तरुणांच्या विरोधात गुन्हा दाखल करण्यात आला असून अधिक तपास युसुफ वडगाव पोलीस ठाण्याचे सहाय्यक पोलीस निरीक्षक मच्छिंद्रनाथ शेंडगे हे करत आहेत.
गंभीर बाब म्हणजे हा छेडछाडीचा प्रकार मुलीने कुटुंबीयांना सांगितला होता. त्यानंतर कुटुंबीयांनी संबंधित मुलांच्या पालकांची भेट घेऊन त्यांची समजून घातली होती. परंतु त्यानंतरही हा प्रकार सुरूच राहिल्याने या अल्पवयीन मुलीने आत्महत्येसारखे टोकाचे पाऊल उचलल्याचे पालकांनी तक्रारीत म्हटले आहे.
या घटनेने परिसरात हळहळ व्यक्त होत असून आरोपींविरोधात नागरिक संताप व्यक्त करत आहेत. गेल्या काही दिवसांमध्ये अशा अनेक घटना घडताना दिसून येत आहेत. दरम्यान पोलिस या घटनेचा सखोल तपास करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.