बीड: बीड जिल्ह्यात बीड-जालना महामार्गावर कापसाच्या वेअर हाऊसला भीषण आग लागली. यामध्ये लाखोंचा कापूस जळून खाक झाला आहे. ही आग रात्री बारा वाजता लागली होती. सकाळी दहा वाजेपर्यंत म्हणजे तब्बल दहा तासानंतरही ही आग आटोक्यात आली नव्हती.
ही आग आटोक्यात आणण्यासाठी रात्री बारापासून अग्नीशामक दलाचे प्रयत्न सुरु आहेत. ही आग बीडपासून जवळ असलेल्या जप्ती पारगावातील कापसाच्या शासकीय वेअर हाऊसला लागली होती. या वेअर हाऊसमध्ये शासनाने खरेदी केलेला कापूस ठेवला होता.
आगीचं कारण अजून समजू शकलं नाही. पण आगीची भीषणता ऐवढी होती की जिल्ह्यातील जवळपास चाळीस अग्निशमन विभागाचे बंब आग आटोक्यात आणण्याचा प्रयत्न करत होते पण आग आटोक्यात येत नव्हती.
सध्या आगीचं कारण शोधण्याचा प्रयत्न केला जात आहे. सोशल मीडियावर आगीचे व्हिडीओ शेअर केले जात आहेत, त्यातून या आगीची भीषणता कळत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.