जालना : जिल्ह्यात आरोग्यमंत्री राजेश टोपे यांच्या मार्गदर्शनाखाली कोरोना प्रतिबंधक लसीकरणाला गती मिळत आहे. त्यामुळे बुधवारपर्यंत (ता.२९) जिल्ह्यात एकूण ३ लाख २३ हजार ३११ व्यक्तींना दोन्ही डोस देण्यात आलेले आहेत.
जिल्ह्यात बुधवारी दिवसभरात १५ हजार ६८७ जणांना लस टोचण्यात आली. यात आरोग्ययोद्ध्यांत ७ जणास पहिला डोस व १० जणास दुसरा डोस असे १७ जणांचे लसीकरण झाले. फ्रन्टलाइन वर्करमध्ये १२५ जणांना दुसरा डोस देण्यात आला. १८ ते ४४ वर्ष वयोगटातील ७ हजार २७९ जणांना पहिला डोस व ३ हजार ५३७ जणांना दुसरा डोस असे १० हजार ८१६ जणांचे लसीकरण झाले. याशिवाय ४५ ते ६० वर्ष वयोगटातील १ हजार ५७६ जणांना पहिला
डोस व ९१६ जणांना दुसरा डोस असे २ हजार ४९२ जणांचे लसीकरण झाले.
६० वर्ष वयोगटावरील १ हजार ५४८ जणांना पहिला डोस व ६८९ जणांना दुसरा डोस असे २ हजार २३७ जणांचे लसीकरण झाले. यात एकूण १० हजार ४१० जणांना पहिला तर ५ हजार २७७ जणांना दुसरा असे एकूण १५ हजार ६८७ जणांचे बुधवारी लसीकरण झाले आहे.
जिल्ह्यात बुधवारपर्यंत एकूण ८ लाख ६६ हजार ९२७ जणांना पहिला तर ३ लाख २३ हजार ३११ जणांना दुसरा डोस असे एकूण ११ लाख ९० हजार २३८ इतके लसीकरण झाले आहे, असे आरोग्य विभागाने कळविले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.