सोनपेठ : सोनपेठ येथील दुय्यम निबंधक कार्यालयात प्रभारी असणाऱ्या महिला अधिकाऱ्यांविरुद्ध लाच मागितल्या प्रकरणी सोनपेठ पोलिसात गुन्हा दाखल करण्यात आला आहे.

तालुक्यातील एका तक्रारदाराने परभणी येथील लाचलुचपत विभागाकडे ता.०३ फेब्रुवारी रोजी सोनपेठ येथील प्रभारी दुय्यम निबंधक श्रद्धा कणकुटे यांच्याकडून शेतीच्या रजिस्ट्री संदर्भात दहा हजार रुपयांची लाच मागीतली जात असल्याची तक्रार दाखल केली होती. याबाबत सोनपेठ येथील दुय्यम निबंधक यांनी मागितलेली लाच ता. ०३ मार्च रोजी स्वीकारली नाही. परंतु लाच मागणी केल्याच्या पुराव्या वरून लाचलुचपत प्रतिबंधक विभागाच्या वतीने ता.०१ एप्रिल रोजी सोनपेठ प्रभारी दुय्यम निबंधक श्रद्धा कणकुटे यांच्या विरुद्ध भ्रष्टाचार प्रतिबंधक अधिनियम अंतर्गत सोनपेठ पोलीस ठाण्यात गुन्हा दाखल करण्यात आला आहे. ही कारवाई लाचलुचपत प्रतिबंधक विभागाचे अधीक्षक डॉ. राहुल खडे यांच्या मार्गदर्शनाखाली पोलीस उपअधीक्षक किरण बिडवे, पोलीस निरीक्षक श्रीमती स्वप्नाली धुतराज तसेच कर्मचाऱ्यांनी केली आहे.