दौलताबाद : माळीवाडा(ता.छत्रपती संभाजीनगर)ते शेरणापूर टी पॉईंट दरम्यान असलेल्या नाशिक महामार्गावर चार चारचाकी व दोन दुचाकी वाहनां मध्ये झालेल्या विचित्र अपघातात जखमी झालेल्या दुचाकीवरील एका युवकाचा मृत्यू झाला तर इतर वाहनातील प्रवाशी किरकोळ जखमी झाले,

असे की शरणपूर येथील दुचाकी धारक शंकर उर्फ अजय सीताराम कान्हेरे(वय24)राहणार शरणापूर ता.जिल्हा छत्रपती संभाजीनगर हे आपल्या दुचाकी(क्रमांक mh20ex1316)वरून माळीवाड्यावरून दौलताबाद टी पॉइंट कडे जाताना हॉटेल प्रवीण समोर शंकर यांना पाठीमागून येणाऱ्या भरधाव मारुती स्विफ्ट कार(क्रमांक पाटी काढलेली ) मधील तरुणांनी पाठीमागून दुचाकीला जोरदार धडक दिली.

यात दुचाकी वरील शंकर हे गंभीर जखमी झाले या घटने पाठोपाठच या स्वीट कारला इतर चार कार एका मागे एक धडकल्याने या चार वाहनांमध्ये सुद्धा अपघात झाला यात परत एक दुचाकी येऊन धडकल्याने तो दुचाकीस्वार किरकोळ जखमी झाला ही घटना मंगळवारी(ता.07) दुपारी दोनच्या सुमारास घडली मंगळवारी धुलीवंदन असल्याने मोठ्या संख्येने वाहनधारक हे मध्य धुंद अवस्थेत आढळून येत होते प्रत्यक्षदर्शीच्या म्हणण्यानुसार या स्विफ्ट कार मधील युवक मद्यधुंद अवस्तेत होते व या धुंदीतच त्यांनी दुचाकी ला पाठीमागून धडक दिली,

या घटनेनंतर कारमधील युवक कार घटनास्थळावरच सोडून प्रसार झाले, या घटनेनंतर दौलताबाद पोलीस घटनास्थळी दाखल झाले व त्यांनी जखमींना घाटी दवाखान्यात दाखल केले, या अपघातास कारणीभूत ठरलेल्या वाहनांवर दौलताबाद पोलीस ठाण्यात गुन्हा दाखल करण्यात आला असून ए एस आय डि बी तडवी पुढील तपास करत आहे.