वैजापूर : तालुक्यात दोन वेगवेगळ्या ठिकाणी रास्ता रोको करणाऱ्याा मराठा आंदोलकांवर वैजापूर पोलिसांनी गुन्हा दाखल करण्याची प्रक्रिया सुरू केल्याने खळबळ उडाली आहे.दरम्यान, मंगळवारी रात्री उशिरापर्यंत आंदोलकांवर गुन्हा दाखल करण्याची प्रक्रिया सुरु होती.

मराठा आरक्षणाचा मुद्दा राज्यभर तापत असून ठिकठिकाणी आंदोलने, मोर्चे व निषेध व्यक्त करण्यात येत आहे. दरम्यान, सोमवारी वैजापूर तालुक्यातील करंजगाव येथे असलेल्या नागपूर मुंबई महामार्गावर रास्ता रोको करण्यात आला.

मंगळवारी लासूरगावात रास्ता रोको करण्यात आला. या दोन्ही आंदोलनादरम्यान वाहतूक ठप्प झाली होती. याप्रकरणी रास्तारोको करून मराठा आरक्षणाची मागणी करणाऱ्या आंदोलकांवर मंगळवारी रात्री उशिरा वैजापूर पोलिस ठाण्यात गुन्हा दाखल करण्याची प्रक्रिया सुरू होती.