राज्यमंत्री अब्दुल सत्तार यांच्याविरोधात २२ वेगवेगळ्या प्रकरणांमध्ये गैरव्यवहार केल्याप्रकऱणी ईडीकडे तक्रार आल्याची माहिती समोर आली आहे. त्यामुळे आता अब्दुल सत्तार (Abdul Sattar) यांची देखील ईडीकडून चौकशी होऊ शकते. अब्दुल सत्तार यांच्याविरोधात काही गैरव्यवहार केल्या प्रकरणी ही तक्रार करण्यात आली आहे. त्यामुळे आता सत्तार यावर नेमकी काय प्रतिक्रीया देतात हे पाहावं लागणार आहे.

गेल्या काही दिवसांत महाविकास आघाडी सरकारमधील अनेक नेते ईडीच्या रडारवर आले आहेत. राज्याचे अल्पसंख्याक मंत्री अब्दुल सत्तार यांनी देखील आपल्या घरी सरकारी पाहुणे येऊ शकतात अशी शक्यता वर्तवली होती.