उमरगा (उस्मानाबाद):  उमरगा शहर व ग्रामीण भागात गेल्या तीन आठवड्यांपासून कोरोना संसर्गाचे रुग्ण वाढत असल्याचे चित्र दिसून येत आहे. दरम्यान तालुक्यातील जकेकूर येथील एका जेष्ठ नागरिकाचा गुरूवारी (ता.२५) रात्री मृत्यू झाला आहे. 
उमरगा तालुक्यात कोरोनाच्या संसर्गाने आतापर्यंत दोन हजार ३५५ पॉझिटिव्ह रुग्णांची नोंद झालेली आहे, नोंव्हेंबर, डिसेंबरच्या महिन्यात कोरोनाचा संसर्ग कमी झाल्याचे चित्र होते, नवीन वर्षातील जानेवारी महिन्यात हळूहळू संसर्ग व सुरू झाला.

कसगीतील एका ५५ वर्षीय महिलेचा तर जकेकुरच्या ७८ वर्षीय पुरुषाचा उपजिल्हा रुग्णालयात १३ जानेवारीला मृत्यु झाला होता. तर २२ जानेवारीला  शहरातील आरोग्यनगरमधील ६२ वर्षीय महिलेचा उपजिल्हा रुग्णालयात मृत्यू झाला होता. दरम्यान फेब्रुवारी महिन्यात कोरोना संक्रमणाची वाटचाल सुरु झाली आहे. एक फेब्रुवारीपासुन शुक्रवारपर्यंत (ता.२६) ३७ जण पॉझिटिव्ह आढळून आले आहेत. त्यात रॅपीड चाचणीतील २१ तर आरटीपीसीआर चाचणीत सोळा रूग्ण होते.

वडील रागावले म्हणून अल्पवयीन मुलांनी गाठलं थेट पुणे! उदगीरातील बेपत्ता मुले...

या महिन्यात दोघांचा मृत्यू झाला. त्यातील गुरुवारी रात्री जकेकुर येथील एका ६५ वर्षीय जेष्ठ नागरिकाचा मृत्यू झाला आहे. गुरुवारी या नागरिकाला अस्वस्थ वाटू लागल्याने शहरातील खाजगी रुग्णालयात दाखल करण्यात आले होते, तेथे घेण्यात आलेल्या रॅपीड चाचणीत तो पॉझिटिव्ह आढळून आला. त्यानंतर त्याचा उपजिल्हा रुग्णालयात नेताना मृत्यू झाला.

धोका तरीही बेफिकीरी !
राज्यातील अनेक जिल्हयात कोरोना संक्रमण वाढू लागले आहे. उस्मानाबाद जिल्ह्यातही संक्रमणाचा धोका सुरू झाला आहे. जिल्हाधिकारी कौस्तुभ दिवेगावकर यांनी नियमावली जाहीर केली आहे.

हिंगोली : अपहरण झालेल्या १४ वर्षाच्या बालीकेची सुटका; बासंबा पोलिसांची कामगिरी

विनामॉस्क फिरणाऱ्या व्यक्तीवर दंडात्मक कारवाई सुरू झाली आहे. ही कारवाई रस्त्याने जाणाऱ्या दुचाकीस्वारासाठीच असते का ? असा प्रश्न उपस्थित केला जातोय. हॉटेल्स, सार्वजनिक ठिकाणी होणाऱ्या गर्दीत उजळ माथ्याने जणू कोरोनावर मात केल्यासारखे तोंडाला, नाकाला मास्क नसणाऱ्या व्यक्ती भरपूर दिसताहेत, त्यांच्यावरही दंडात्मक कारवाई होणे गरजेचे आहे.