लातूर: जिल्ह्यात कोरोनाचा विळखा दिवसेंदिवस वाढत असून गुरुवारी (ता. आठ) रुग्णसंख्येने उच्चांक गाठला. एक हजार ४०४ जणांना कोरोनाची लागण झाली. उपचारादरम्यान दोघांचा मृत्यू झाला.
जिल्ह्यात दोन हजार २०० आरटीपीसीआर चाचण्यांतून ४३२ तर तीन हजार ६५० ॲन्टीजेन चाचण्यांतून ९७२ जणांना कोरोनाची लागण झाल्याचे समोर आले. रुग्णसंख्या ४० हजार ५३१ वर पोचली असून सध्या ८ हजार ३२४ जणांवर उपचार सुरु आहेत. ३१ हजार ४१० रुग्ण बरे झाले आहेत. आतापर्यंत ७९७ जणांना मृत्यू झाला आहे.
जिल्ह्यात गुरुवारी (ता. आठ) दाखल झालेल्या केंद्रीय आरोग्य पथकाने शुक्रवारी (ता. नऊ) शहरातील विविध ठिकाणी भेटी देऊन कोरोना उपाययोजनांची माहिती घेतली. उपाययोजनांतील अडचणी जाणून घेऊन त्यांच्या नोंदीही घेतल्या. लसीकरणाच्या कामात ऑनलाइन मनुष्यबळाच्या तुटवड्याचीही दखल पथकाने घेतली. दिवसभर शहरात पथकाच्या दौऱ्यामुळे आरोग्य व वैद्यकीय यंत्रणा सतर्क व सज्ज असल्याचे चित्र दिसून आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.