औरंगाबाद: मराठवाड्यात रविवारी (ता. ९) दिवसभरात ५ हजार १८७ कोरोनाबाधित आढळले. जिल्हानिहाय वाढलेली रुग्णसंख्येमध्ये बीड १२७३, लातूर ९५७, औरंगाबाद ७५९, उस्मानाबाद ७१२, जालना ५६६, परभणी ४६२, नांदेड ३३७, हिंगोली १२१ रुग्ण वाढले (marathwada covid 19 updates )आहेत. उपचारादरम्यान १४० जणांच्या मृत्यूची नोंद आज (death rate) झाली. त्यात लातूर-बीडमध्ये प्रत्येकी २९, औरंगाबाद २२, नांदेड १९, जालना १६, परभणी १२, उस्मानाबाद ८, हिंगोली ५ जणांचा समावेश आहे.

औरंगाबाद जिल्ह्यात २२ जणांच्या मृत्यूची नोंद झाली. जिल्ह्यात आतापर्यंत २ हजार ७५५ जणांचा मृत्यू झाला आहे. सिल्लोड येथील महिला (वय ५०), नक्षत्रवाडी येथील पुरुष (७७), वैजापूर येथील पुरुष (६०), फुलंब्री येथील पुरुष (५५), खोपरखेडा (जि. औरंगाबाद) येथील पुरुष (५०), कन्नड येथील पुरुष (५०), सिल्लोड येथील पुरुष (४५), सिडको एन-१२ येथील पुरुष (७२), कन्नड येथील पुरुष (४७), पैठणरोड, औरंगाबाद येथील पुरुष (४५), वैजापूर येथील महिला (६०), वाळूज येथील पुरुष (३५), सिल्लोड येथील महिला (५०), पैठण येथील (५५) व (६०) वर्षीय दोन पुरुष, गंगापूर येथील महिला (६५), सिल्लोड येथील महिला (७३), भावसिंगपुरा येथील पुरुषाचा (५७) घाटी रुग्णालयात मृत्यू झाला. शिरोडी (ता. फुलंब्री) येथील महिलेचा (६५) जिल्हा रुग्णालयात तर जातेगाव (ता. फुलंब्री) येथील महिला (४०), रांजणगाव (ता. पैठण) येथील महिला (४५), खोकडपुरा येथील पुरुषाचा (५३) खासगी रुग्णालयात मृत्यू झाला.

औरंगाबादेत आणखी तेराशे रुग्ण बरे
औरंगाबाद जिल्ह्यात ७५९ कोरोनाबाधितांची भर पडली. यात शहरातील २७७, ग्रामीण भागातील ४८२ जणांचा समावेश आहे. रुग्णसंख्‍या १ लाख ३२ हजार ३६९ झाली. आणखी १ हजार ३०४ रुग्ण बरे झाले. त्यात शहरातील ४८४ व ग्रामीण भागातील ८२० जणांचा समावेश आहे. आजपर्यंत १ लाख २१ हजार ५४४ रुग्ण बरे झाले आहेत. सध्या ८ हजार ७० रुग्णांवर उपचार सुरू आहेत.