नांदेड : सध्या संबंध जगात जीवघेण्या कोरोना या संसर्गजन्य आजाराने थैमान घातले आहे. हा आजार आपले हातपाय झपाट्याने वाढवत असल्याने खबरदारी म्हणून जास्त गर्दीच्या ठिकाणी संसर्ग होऊ नये म्हणून अनेक मंदीराचे दर्शन रद्द करण्यात आले आहे. त्याच धरतीवर जिल्ह्यातील प्रसिद्ध असलेल्या साडेतीन पिठापैकी एक पूर्ण पीठ असलेल्या माहुरच्या देवीचे दर्शनही खबरदारी म्हणून आॅनलाईनद्वारे करण्यात आले आहे.

त्यासाठी भाविकांची गैरसोय टळावी म्हणून श्री. रेणूका देवी न्यासकडून वेबसाईट कार्यान्वीत करण्यात आली आहे. त्या वेबसाईटचे उद्घाटन प्रमुख जिल्हा न्यायाधीश तथा न्यासचे पदसिद्ध अध्यक्ष न्या. दीपक धोळकिया यांच्या हस्ते गुरूवारी (ता. १९) करण्यात आले. आता रेणुका देवीचे दर्शन आॅनलाईन करण्यात आले आहे.

हेही वाचा - लग्नाच्या बैठकीतच जोडप्याने म्हटले ‘कबुल हैं’, कोरोनामुळे कुटुंबीयांचा निर्णय

नागरिकही प्रशासनाच्या आदेशाचे पालन करत आहेत

कोरोना या आजाराशी सामना करण्यासाठी राज्यातील नव्हेत सबंध जगभरातील नागरिक खबरदारी घेत आहेत. शासन व प्रशासनाकडून नागरिकांना या आजाराबाबत सजग राहण्याचे आवाहन करण्यात येत आहे. हा आजार झपाट्याने फैलावत असल्याने जिल्हाधिकारी डॉ. विपीन यांनी जिल्ह्यातील शाळा, क्लब, व्यायामशाळा, अभ्यासिका, महाविद्यालय, खासगी शिकवणी, जीम, आठवडे बाजार, लग्नसमारंभ, यात्रा तसेच मंदीर दर्शन ता. ३१ मार्चपर्यंत रद्द केले आहेत. नागरिकही प्रशासनाच्या आदेशाचे पालन करत महत्वाचे काम असले तरच घरातून बाहेर पडत आहेत. 

( www.shreerenukamatamandir.org )

जिल्ह्यातील प्रसिद्ध असलेल्या देवस्थानांनी सुद्धा खबरदारी घेऊन भाविकांनी दर्शनासाठी गर्दी करु नये असे आवाहन करण्यात आले आहे. श्री. रेणूका देवी माहूर न्यासाच्या वतीने गुरूवारी (ता. १९) मंदीर न्यासाचे पदसिद्ध अध्यक्ष तथा प्रमुख जिल्हा न्यायाधीश दीपक धोळकिया यांनी भाविकांसाठी श्री. रेणूका देवीचे दर्शन ( www.shreerenukamatamandir.org) वेबसाईटचे उद्घाटन करण्यात आले आहे. कोरोना या संसर्गजन्य रोगाच्या पार्श्वभूमीवर गडावरील नवरात्र उत्सवानिमित्त होणारी गर्दी टाळण्यासाठी ही वेबसाईट सुरू करण्यात आली आहे. 

येथे क्लिक करा -  कोरोना : अशोक चव्हाण यांनी घेतला आरोग्य यंत्रणेचा आढावा

प्रमुख जिल्हा न्यायाधीश धोळकिया यांचे आवाहन

नवरात्रनिमित्त होणारे सर्व कार्यक्रमाच्या व्हिडीओ फुटेज या वेबसाईटवर तात्काळ उपलब्ध करुन दिले जातील. तसेच आगामी काळात भाविकांना थेट आॅनलाईन दर्शनची सोयही केली जाणार आहे. भाविक या वेबसाईटद्वारे विविध पूजा- विधी तसेच देणगीही देऊ शकणार आहेत. त्यासाठी एसबीआयची इकॉलेक्ट (icollect) ही व्यवस्था करण्यात आली आहे. भाविकांनी या साईटचा उपयोग करावा तसेच काही सुचना असल्यास न्यायासाकडे पाठवाव्यात असे आवाहन न्यायाधीश दीपक धोळकिया यांनी केले आहे.