वसमत (जि. हिंगोली ) :वसमत येथे मॉर्निंग वॉक साठी गेलेल्या महिला दुचाकीवर आलेल्या दोघांनी खाली पाडून त्यांच्या गळ्यातील चार तोळे वजनाचे सोन्याचे मंगळसुत्र पळविल्याची घटना घडली आहे. याप्रकरणी वसमत शहर पोलीस ठाण्यात शुक्रवारी ता. १३ रात्री उशिरा गुन्हा दाखल झाला आहे.पोलिसांनी दिलेल्या माहितीनुसार वसमत येथील चौधरी नगर भागातील रहिवासी असलेल्या सुशीला अशोक अवधूता ह्या शुक्रवारी सकाळी सहा वाजण्याच्या सुमारास मॉर्निंग वॉक साठी मालेगाव रोड भागात गेल्या होत्या. त्यानंतर त्या घरी परत येत असताना त्या एकट्या असल्याचा गैरफायदा घेत एका दुचाकीवर आलेल्या दोघांनी त्यांचा पाठलाग केला.
या प्रकारामुळे अवधूता यांना संशय आल्यामुळे त्यांनी पायी चालण्याचा वेग वाढवला. मात्र दुचाकीवरील दोघांनी कौठेकर यांच्या घराजवळ निर्मनुष्य रस्ता पाहून अवधुता यांना खाली पाडले. त्यानंतर त्यांच्या गळ्यातील चार तोळे वजनाचे सोन्याचे मंगळसूत्र हिसकावून दुचाकीवरून पळ काढला. या प्रकारामुळे घाबरलेल्या सुशीला अवधुता यांनी आरडाओरड केली मात्र तोपर्यंत दुचाकीवरील चोरटे फरार झाले.
या प्रकाराची माहिती त्यांनी वसमत शहर पोलिस ठाण्याला दिली. वसमत पोलीस ठाण्याचे निरीक्षक चंद्रकांत कदम, उपनिरीक्षक महिपाळे, जमादार भगीरथ सवंडकर, चव्हाण यांच्या पथकाने घटनास्थळी भेट देऊन पाहणी केली. पोलिसांनी परिसरातील सीसीटीव्ही कॅमेराच्या माध्यमातून चोरट्यांची ओळख पटविण्याचा प्रयत्न केला आहे. त्यानंतर रात्री उशिरा सुशीला अवधुता यांच्या तक्रारीवरून वसमत शहर पोलीस ठाण्यात चोरट्याविरुद्ध गुन्हा दाखल केला आहे. उपनिरीक्षक महिपाळे, जमादार भगीरथ सवंडकर पुढील तपास करीत आहेत.
- पंजाब नवघरे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.