जालना : शहरातील शंकरनगर येथील किरायाच्या खोलीत राहणाऱ्या महिलेचा पतीने खून केल्याची घटना शुक्रवारी (ता.३०) सकाळी उघडकीस आली. दरम्यान, याप्रकरणी कदीम जालना पोलिस ठाण्यात गुन्हा दाखल करण्यात आला.
पोलिसांनी घटनेनंतर फरारी झालेल्या पतीस ताब्यात घेतले आहे. बुलडाणा जिल्ह्यातील शेळगाव आटोळ (ता.चिखली) येथील इंदुबाई किशोर आटोळे (वय ४१) या सहा महिन्यांपूर्वी पती संशयित किशोर हिंमतराव आटोळे याच्यासह शंकरनगर येथे किरायाच्या खोलीत राहात होत्या.
किशोर हा सुरक्षारक्षकाचे काम करते. मूलबाळ नसल्याने पती-पत्नीमध्ये सतत भांडण होत होते. त्यातच वैद्यकीय तपासणीदरम्यान पतीमध्ये दोष असल्याने डॉक्टरांकडून सांगण्यात आले होते. हा प्रकार नातेवाइकांना सांगू नको, शिवाय मुल दत्तक घेण्यावरून पती-पत्नीमध्ये सतत वाद होत होते.
अशात शुक्रवारी सकाळी शंकरनगर येथील घरात इंदुबाई आटोळे यांचा रक्ताच्या थारोळ्यात मृतदेह आढळून आला. त्यांच्या डोक्यावर तीक्ष्ण हत्याराने वार करण्यात आले होते. घटनेनंतर पती किशोर आटोळे हा फरारी झाला होता.
दरम्यान, पोलिसांनी घटनास्थळी पाहणी केली. त्यानंतर तपासाला वेग देत कदीम जालना पोलिसांनी फरार किशोर आटोळे याला जुन्या तहसील कार्यालयाच्या परिसरातून रात्री उशिरा पकडले.
या प्रकरणी मयत इंदुबाई आटोळे यांची बहीण प्रतिभा आटोळे यांच्या फिर्यादीवरून कदीम जालना पोलिस ठाण्यात संशयित किशोर आटोळे याच्यावर गुन्हा दाखल करण्यात आला आहे.
दरम्यान, घटनास्थळी उपविभागीय पोलिस अधिकारी निरज राजगुरू, कदीम जालना पोलिस ठाण्याचे पोलिस निरीक्षक सय्यद मझहर यांच्यासह पोलिस अधिकारी, कर्मचाऱ्यांनी घटनास्थळी भेट दिली. पोलिसांनी पंचनामा करून मृतदेह उत्तरीय तपासणीसाठी सामान्य शासकीय रुग्णालयामध्ये हलविला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.