जातेगाव, ता १३- हॉटेलवर जेवण तयार करत असलेल्या एका आचाराचा मृतदेह गुरुवार (ता १३) शहराच्या काही अंतरावरील गेवराई-जातेगाव रस्त्यावरील टीएमसी परिसरात आढळून आला.

गणेश नाथा आबदगिरे (वय ४५) रा.मुंगी ता पैठण असे मृताचे नाव असून, ते मागील काही वर्षांपासून गेवराई शहरातील यशराज नगर येथे राहत आहेत. शहरातील एका हॉटेलवर (आचारी) जेवण तयार करण्याचे काम करत होते. बुधवारी (ता १२) रात्री हॉटेल काम आटोपून घराकडे गेले मात्र घरी न पोहचलेल्या गणेश आबदगिरे यांचा मृतदेह गुरुवार (ता १३) टीएमसी परिसरात आढळून आला. दरम्यान, सदरील मृताची दुचाकी एका स्मशानभूमी नजीक तर येथून काही अंतरावर गणेश आबदगिरे यांचा मृतदेह आढळून आल्याने सदरील मृत्यू संशयास्पद असल्याचे कुटुंबीयाचे म्हणणे आहे.

याबाबत गेवराई पोलीस ठाण्यात माहीती मिळताच फौजदार शिवाजी भूतेकर हे पोलीस कर्मचाऱ्यांसह घटनास्थळावर धाव घेत मृतदेह शवविच्छेदनासाठी गेवराई उपजिल्हा रूग्णालयात दाखल केला.घात की अपघात तपास केल्यानंतर खरा प्रकार उघडकीस येईल असे फौजदार शिवाजी भूतेकर यांनी सांगीतले असून सहायक फौजदार सुतार हे या घटनेचा तपास करत आहेत.