शिरूर कासार (जि. बीड) -पोहताना विहिरीच्या पाण्यात बुडून विद्यार्थी मरण पावल्याची घटना रविवारी (ता. आठ) तालुक्‍यातील निमगाव मायंबा येथे घडली. उदय भागवत कुरे (वय 15) असे विद्यार्थ्याचे नाव आहे. 

उदय कुरे हा निमगाव मायंबा येथील निगमानंद विद्यालयात दहावीत शिक्षण घेत होता. रविवारची सुटी असल्याने मुलांनी पोहण्याची इच्छा व्यक्त केली. भागवत कुरे आपल्या दोन्ही मुलांना घेऊन विहिरीवर पोहण्यासाठी गेले. पोहत असताना उदय कुरे पाण्यात बुडाला. त्याला विहिरीबाहेर काढले; परंतु तोपर्यंत उशीर झाला. त्याला बीडच्या जिल्हा रुग्णालयात दाखल केले. तेथे डॉक्‍टरांनी तपासून मृत घोषित केले.