तुळजापूर : उपमुख्यमंत्री देवेंद्र फडणवीस यांची येथे शुक्रवारी (ता. १६) सभा होणार आहे. त्यांचा दौरा व सुरक्षेच्या कारणास्तव तुळजाभवानी मंदिरात भाविकांना घाटशीळ मार्गे प्रवेश देण्यात येणार आहे. तुळजाभवानी मंदिर समितीने आज ही माहिती दिली.

यासंदर्भात तहसीलदार तथा मंदिर समितीचे प्रभारी व्यवस्थापक संतोष पाटील यांनी सूचना दिली आहे. शुक्रवारी (ता. १६) देवीच्या दर्शनासाठी येणाऱ्या सर्व भाविकांना गुरुवारी (ता. १५) मध्यरात्रीपासून १६ जूनच्या मध्यरात्रीपर्यंत घाटशीळ मार्ग,

पार्किंग येथून बीडकर पायऱ्यांमार्गे मंदिरात प्रवेश दिला जाईल. दरम्यान, फडणवीस यांचा दौरा व सभेची जय्यत तयारी करण्यात आली आहे. आमदार राणाजगजितसिंह पाटील यांनी आज सभास्थळासह अन्य बाबींचा आढावा घेतला.