खुलताबाद (जि.औरंगाबाद ) ः येथील ग्रामदैवत भद्रा मारुतीच्या दर्शनाला श्रावणातल्या तिसऱ्या शनिवारी (ता.17) भाविकांनी मोठी गर्दी केली. योगायेगाने या शनिवारी शासकीय सुटी आल्याने भाविकांनी दर्शनाबरोबरच पर्यटनाचे नियोजन केले होते.
यंदाच्या या श्रावण शनिवारी भद्रा मारुतीची मूर्ती सफरचंदाच्या फुलांबरोबरच गुलाबाच्या पाकळ्यांनी आकर्षकपणे सजविण्यात आली होती. भाविक दर्शन घेऊन भद्रा हनुमान की जयचा जयघोष करीत होते.
पावसाने दिलेली उघडिप अन् सलग सुटी यामुळे भाविक दर्शन अन् पर्यटनाचा आनंद घेत होते. वेरूळ येथील 12 वे ज्योतिर्लिंग श्री घृष्णेश्वराच्या दर्शनासाठीही श्रावणी शनिवारी चांगलीच गर्दी झाली होती. या ठिकाणी दर्शनानंतर भाविक जगप्रसिद्ध वेरूळ लेण्या बघण्याचा आनंद घेत होते. त्यामुळे लेणी ते मंदिर रस्त्यावर वारंवार वाहतूक विस्कळित होत होती. ती सुरळीत करण्यासाठी पुरती दमछाक झाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.