सोयगाव : येथील सर्व विभागातील अधिकाऱ्यांनी सोयगावचा दुष्काळ हा घरचा दुष्काळ समजून काम करावे, असे आवाहन पालकमंत्री डॉ. दीपक सावंत यांनी केले.        

सोयगाव (जि. औरंगाबाद) येथील पंचायत समितीच्या सभागृहात सोमवारी (ता. 22) दुष्काळ आढावा बैठक पार पडली. त्यावेळी ते बोलत होते. सावंत म्हणाले, की सोयगाव हा दुर्लक्षित आदिवासी पाड्यांचा तालुका असून येथील दुष्काळाची तीव्रता अधिक आहे. त्यामुळे दुष्काळी तालुक्यांच्या यादीत त्याचा समावेश व्हावा यासाठी मुख्यमंत्र्यांकडे शिफारस करणार आहे. यावेळी जिल्हाधिकारी उदय चौधरी, आमदार अब्दुल सत्तार, जिल्हा परिषद अध्यक्षा देवयानी डोणगावकर व उपाध्यक्ष केशवराव तायडे, जिल्हा परिषद सदस्य पुष्पा काळे, गोपीचंद जाधव, पंचायत समिती सभापती धरमसिंग चव्हाण, तहसिलदार प्रवीण पांडे आदी उपस्थित होते.