परभणी ः श्रावण महिन्यातील कृष्ण जन्माष्टमीचा सण आनंद आणि उत्साह घेऊन येतो. यंदा कोरोना विषाणु संसर्गामुळे या सणाच्या आनंदात विरजन पडले असले तरी, घरोघरी हा सण तितक्याच भक्तीभावाने साजरा करण्यात आला. ऐरवी कृष्णरुप सज्जाच्या स्पर्धा या दिवशी आयोजित केल्या जातात. परंतू यंदा कोरोना संसर्गामुळे या कार्यक्रमांना ब्रेक लागला असला तरी मातेच्या ममत्वाचा मात्र ब्रेक नसल्याचे दिसून आले. घरोघरी चिमुकल्यांना सजवून फोटोसेशन करण्यात त्यांच्या यशोदा (आई) मग्न असल्याचे दिसून आले.

सर्वत्र (ता.१२) ऑगस्टला दहीहंडीचा सण साजरा होणार आहे. मात्र यंदा कोरोना विषाणु संकटामुळे या उत्साहावर पाणी पडले आहे. त्यामुळे शहरातील दहीहंड्या रद्द करण्यात आल्या आहेत. तसेच मंदिर देखील बंद आहेत. त्यामुळे घरच्या घरी पूजा करुन यंदा गोकुळाष्टमी साजरी करावी लागली. 

चिमुकल्यांना घरातच कृष्णासारखे सजविले...
कृष्ण हे सर्वांचे लाडके दैवत आहे. त्यामुळे श्रीकृष्ण जयंतीनिमित्त लहान मुलांना, मुलींना कृष्णाचा पारंपरिक पोशाख घालून सजवले जाते. तर मुलींना राधाच्या रुपात नटवले जाते. या मुलांमध्ये बाळ कृष्णाचे रुप पाहून त्यांची पूजा केली जाते. पंरतू यंदा या सर्वच गोष्टी जश्याच्या तश्याच राहिल्या. परंतू, आईच्या ममत्वाला कधीच खंड पडत नाही. संचारबंदी असल्यामुळे घराबाहेर पडता येत नाही, त्यामुळे शहरातील अनेक महिलांनी त्यांच्या चिमुकल्यांना घरातच कृष्णासारखे सजवून कृष्णाजन्माष्ठमी साजरी केली. अनेकांनी तर मुलांना सजविल्यानंतर लाडाने त्याचे फोटोसेशन ही करण्यात मग्न झाल्याचे दिसून आले. 

हेही वाचा - काही खाजगी डॉक्टरांनी सहकार्याची भूमिका स्विकारली नाही, विभागीय आयुक्तांची खंत...

छायाचित्रकारांना मिळाने काम 
कोरोना संसर्गामुळे गेल्या चार -पाच महिण्यापासून छायाचित्रकारांच्या हाताला देखील काम नव्हते, या कृष्णजन्माष्ठमीनिमित्य अनेक छायाचित्रकारांना त्यांच्या हातातील जादुगिरी दाखविण्याची संधी या कारणामुळे मिळाली होती.

हेही वाचा - मागील महिन्यात रुग्णालयास मंजुरी, या महिन्यात निधी, जागेचा प्रश्‍न कायम...

कृष्णासोबत राधाही सजली...
सोहळा जरी कृष्णाच्या जन्माचा असला तरी कृष्ण हा राधेशिवाय पूर्ण होऊच शकत नाही. मग जन्माच्या सोहळ्यात राधा नटली नाही तर नवलच... त्यामुळे ज्यांना छोट्या मुली आहेत. त्यांनीही अगदी उत्साहात व आनंदात त्यांच्या छोट्या मुलींना राधाचा वेषभुषा करून आज तयार केले होते. हातात छोटेसे भांडे देवून तिचेही घरातल्या घरातच फोटोसेशन झाले. 

संपादन ः राजन मंगरुळकर