सिल्लोड (जि.औरंगाबाद ) : विधानसभेचे रणांगण तापण्यास सुरवात झाली असताना सार्वत्रिक निवडणुकांचा भार सांभाळणारे कर्मचारी मतदानापासून वंचित राहू नयेत, यासाठी टपाली मतदानाची व्यवस्था करण्यात आली आहे.
सिल्लोड येथील शासकीय आयटीआयच्या परिसरात कर्मचाऱ्यांना निवडणुकीचे
प्रशिक्षण देण्यात येत आहे.

शुक्रवारी (ता.11) विविध विधानसभा मतदारसंघांच्या कार्यक्षेत्रातून आलेल्या निवडणूक कर्मचाऱ्यांसाठी टपाली मतदानाची सुरवात करण्यात आली. टपाली मतदानाचे विधानसभा कार्यक्षेत्रानुसार वेगळे गट करून पोलिस बंदोबस्तामध्ये पथकाच्या माध्यमातून संबंधित मतदारसंघाच्या निवडणूक निर्णय अधिकाऱ्यांकडे पाठविण्यात येत आहे. यावेळी नोडल अधिकारी तथा
पथकप्रमुख संजय सोनवणे यांच्यासह कर्मचाऱ्यांची उपस्थिती होती.