हिंगोली : यापूर्वी जीवनावश्यक वस्‍तूंची दुकाने दररोज सुरू ठेवण्याचे आदेश जिल्‍हाधिकाऱ्यांनी दिले होते. मात्र, परत त्‍यात सोमवारी (ता. २०) सायंकाळी बदल करण्यात आला असून आता ही दुकाने आता परत एक दिवसाआड सुरू राहणार आहेत.

खरीप हंगाम जवळ आल्याने यापूर्वी जिवनावश्यक वस्तूंच्या दुकानांना आदेश काढून एक दिवसाआड दुकाने चालू ठेवण्याची परवानगी देण्यात आली होती. परंतु, अद्ययावत अधिसुचनेत किराणा माल व भाजीपाला विक्री करणारी दुकाने सुरू करण्याबाबात मार्गदर्शक सूचना देण्यात आल्या आहेत. 

हेही वाचा - बंदोबस्ताचा ताण तरीही पोलिसांचा कारवाईवर भर, कुठे ते वाचा...

एकाच दिवशी दोन आदेश
जिल्हा दंडाधिकारी तथा जिल्हा आपत्ती व्यवस्थापन प्राधिकरणचे अध्यक्ष रुचेश जयवंशी यांनी किराणा माल, भाजीपाला, दूध विक्री केंद्रे, परवानाधारक चिकन, मटन शॉप, बेकरी, स्वीट मार्ट, विक्री दुकाने दररोज सकाळी नऊ ते दुपारी एक या वेळेत सुरू ठेवण्यास परवानगी देण्यात आली होती. सदर आदेश रद्द करून वेळापत्रकानुसार एक दिवसाआड किराणामाल, भाजीपाला, दूध विक्री केंद्रे, परवानाधारक चिकन, मटन शॉप, बेकरी, स्वीट मार्ट, विक्री दुकाने सुरू ठेवण्याची परवानगी देण्यात येत आहे. 

हेही वाचा - Video ः रोगप्रतिकारशक्‍तीच्या वाढीसाठी या पंचसूत्रीचा अवलंब करा

या दिवशी राहणार दुकाने सुरू 
मंगळवारी (ता.२१) जीवनावश्यक वस्तूंची दुकाने बंद राहतील. नवीन आदेशाप्रमाणे बुधवार (ता. २२), शुक्रवार (ता. २४), रविवार (ता. २६), मंगळवार (ता. २८), गुरुवार (ता. ३०), शनिवार (ता. दोन) सकाळी नऊ ते ते दुपारी एक या वेळात सुरू राहणार आहेत. तसेच आदेशात देण्यात आलेल्या कालावधी वगळता इतर कालावधीमध्ये कोणासही घराच्या बाहेर पडता येणार नाही. तसेच आदेशाचे पालन न करणाऱ्या कोणत्याही व्यक्ती, संस्था, अथवा समूह आपत्ती व्यवस्थापन नियामाप्रमाणे कार्यवाही केली जाणार असल्याचे जिल्‍हाधिकारी रुचेश जयवंशी यांनी प्रसिद्धीपत्रकाद्वारे कळविले आहे. 

थोड्या दिवसांसाठी लॉकडाउन पाळा ः पोलिस अधीक्षक योगेश कुमार
हिंगोली ः जिल्‍ह्यात सोमवारपासून जीवनावश्यक वस्‍तूंची दुकाने सुरू झाली आहेत. तसेच बँका, स्‍थानिक स्‍वराज्य संस्‍था, बाजार समिती सुरू आहे. यामुळे येथे ज्यांची कामे आहेत त्‍यांनीचे आले पाहिजे. बाजारात विनाकारण कोणी फिरू नका, महत्त्वाच्या कामाशिवाय बाहेर पडू नका. थोड्या दिवसांसाठी लॉकडाउन पाळा, असा सल्‍ला पोलिस अधीक्षक योगेश कुमार यांनी नागरिकांना दिला आहे.तोंडाला मास्‍क किंवा रुमाला बांधावा. दुकानदारांनीदेखील दुकानासमोर चौकोन आखून त्‍यात ग्राहकांना अंतराने उभे करून सामान द्यावे, यासाठी सॅनिटायझरचा उपयोग करावा. बाजारातील काही दुकाने सुरू झाल्यामुळे गर्दी करू नये. शेतीतील कामे सुरू होणार असल्याने शेतकऱ्यांना त्‍यासाठी लागणारे साहित्य खरेदी करावे लागणार आहे. तसेच त्यांच्याकडे असलेल्या शेतमालाची विक्रीदेखील करावी लागणार असल्याने त्‍यासाठी काही व्यवहार सुरू झाले आहेत. परंतु, (ता.तीन) मेपर्यंत लॉकडाउनचा कालावधी आहे, त्‍यामुळे ज्‍यांना महत्‍वाची कामे आहेत, अशांनीच घराबाहेर पडावे. विनाकारण कोणी रस्‍त्‍याने फिरू नये. दुचाकीचा वापर कमीत कमी करावा. कायद्याचे उल्‍लंघन कोणी करू नये, असे आढळून आल्यास वाहने जप्त करण्यात येतील. रविवारी विनाकारण रस्‍त्‍यावर फिरणाऱ्यांना दीडशे वाहनांवर कार्यवाही करीत वाहने जप्त केली आहेत. यामुळे कायद्याच्या चौकटीत राहूनच दिलेल्या सूचनांचे पालन करावे, असे आवाहन पोलिस अधीक्षक योगेशकुमार यांनी केले आहे.