राजुर (जि. जालना) : राजुर येथील स्वस्त धान्य नं 89 दुकानातील गव्हात युरीया आढळला. यामुळे शेतकरी संघटनेच्या वतीने तसेच गावकरी यांच्या वतीने राजुर येथे सोमवारी ( ता. 22)  राजुर चौफुली येथे रास्ता रोको आंदोलन करण्यात आले. 

यावेळी रस्त्यावर दोन्ही बाजूला  लांबच लांब वाहनाच्या रांगा लागल्या होत्या.  स्वस्त  धान्य दुकानातील गव्हात युरीया आढळून आल्यामुळे जनतेच्या जिवाशी खेळणार्याची कसून चौकशी करण्यात यावी अशी मागणी करण्यात आली आहे. 

यावेळी डॉ वैजीनाथ ढोरकुले स्वाभिमानी शेतकरी संघटना जिल्हा अध्यक्ष जालना. भोकरदन पुंगळे. भागाजी भाडळकर, विक्रम आंबा पिंपळे. गजानन जुबड, गजानन गुळमकर, स्वाभिमानी शेतकरी संघटनेचे पदाधिकारी कार्यकर्ते मोठ्या संख्येने या रास्तारोको आंदोलन करण्यात सहभागी झाले होते. यावेळी तहसील कार्यालयाच्या वतीने तलाठी अण्णा कड, मंडळ अधिकारी काळे यांना निवेदन देण्यात आले आहे.