नांदेड : कोरोनाचा प्रादूर्भाव रोखण्यासाठी संंबंध देशभरासह जिल्ह्यातही लॉकडाउन व संचारबंदी लावण्यात आली आहे. या दरम्यान हातावर पोट असलेल्यांवर उपासमारीची वेळ आली आहे. त्यांच्या हाताला काम नसल्याने चुल पेटणे अवघड होऊन बसले आहे. अशा गरजू व पिडीत महिलांना धान्य वाटप करण्‍यासाठी अनेक समाजसेवी संस्था पुढे आल्या आहेत. यात आता कौटुंबीक न्यायालयसुद्धा मागे नाही. न्यायाधीश स्वाती चव्हाण यांनी सोशल डिस्टन्सिंगचा अवलंब करत पोटगी मंजूर झालेल्या पिडीत महिलाना धान्याच्या किट वाटप केल्या. 

कोरोना पार्श्वभूमीवर पीडीत महिलांना अन्नधान्य उपलब्ध करुन देण्याच्या प्रयत्नाला यश आले असुन नांदेडच्या कौटुंबिक न्यायालयाने पोटगी मंजुर झालेल्या पीडीत महिलांना न्यायाधीश स्वाती चव्हाण यांच्या हस्ते धान्याच्या कीट वाटप करण्यात आल्या. यावेळी न्यायालयात बोलावून महिलांना लॉकडाउनचे नियम व सोशल डिस्टन्सींग पाळत धान्याचे कीट वाटप करण्यात आले.

हेही वाचा - अबचलनगर परिसर कंटेनमेंट झोन जाहीर

कौटुंबिक न्यायालयाच्या न्यायाधीश स्वाती चव्हाण यांचा पुढाकार

सद्या लॉकडाउनमुळे प्रत्येकजण घरात आहे. घरात राहुन कोरोनाला हददपार करण्याच्या शासनाच्या आदेशाचे पालन करत असताना पोटगी मंजुर झालेल्या व घरात असलेल्या महिलांना दररोजच्या उपजिवीकेसाठी अन्नधान्य उपलब्ध करुन देण्याचा उपक्रम महाराष्ट्रात सर्वप्रथम नांदेडच्या कौटुंबिक न्यायालयाने राबविला. नांदेडच्या कौटुंबिक न्यायालयाच्या न्यायाधीश स्वाती चव्हाण यांनी या संदर्भात शासनाकडे पोटगी मंजुर झालेल्या महिलांची यादी पाठवुन त्यांच्यासाठी अन्नधान्याचे कीट उपलब्ध करुन देण्याचे आदेश दिले. त्यानंतर महापालीकेचे उपायुक्त अजितपालसिंघ संधू यांनी पुढाकार घेवुन सदरील कीट न्यायालयात पोहचते केले.

सोशल डिस्टंसींग पाळत कीटचे वाटप 

नांदेडच्या कौटुंबिक न्यायालयाने पोटगी मंजुर झालेल्या पिडीत महिलांची यादीनुसार त्यांना न्यायालयात बोलावून घेवुन सोशल डिस्टंसींग पाळत कीटचे वाटप केले. दररोज ठरावीक वेळेच्या अंतरानंतर पोटगी मंजुर झालेल्या महिलांना दुरध्वनी करुन बोलावून घेतले जाणार आहे. त्यानंतर सोशल डिस्टन्सिंग पाळत महिलांना कीटचे वाटप करण्यात येत आहे. कौटुंबिक न्यायालयातुन निरोप आल्यानंतरच संबंधीत महिलांनी स्वतःच्या आधारकार्डची प्रत सोबत घेवुन यावी व त्यानंतर अन्नधान्याची कीट घेवुन जावी असे आवाहन नांदेडच्या कौटुंबिक न्यायालयातर्फे करण्यात आले आहे. 

येथे क्लिक करा - नांदेडमध्ये अडकलेले हजारो शिख भाविक पंजाबकडे रवाना

यांनी घेतले परिश्रम 

हा उपक्रम यशस्वी करण्यासाठी न्यायाधीश स्वाती चव्हाण यांच्या मार्गदर्शनाखाली पत्रकार अभयकुमार दांडगे, शिवराज दुगावकर, मो. अजीजखान, धनंजय मुस्तापुरे, महेश देशमुख, संतोष नरवाडे, पवन ध्याडे, विजय श्रावणे, रामदास तिडके, पोलीस यांच्यासह इतर अधिकारी व कर्मचारी परिश्रम घेत आहेत.