जळकोट (जि. लातूर) - रावणकोळा (ता. जळकोट) येथे शेतात रविवारी (ता. १९ ) चारच्या सुमारास वीज पडून एका शेतकरी व एका बैलाचा मृत्यू झाल्याची घटना घडली आहे. याबाबत माहिती अशी कि, शेतकरी मारोती गणपती वाघमारे वय ५५ वर्षे रा. रावणकोळा, ता. जळकोट हे सकाळी पेरणीसाठी बैलजोडी घेऊन शेतात पेरण्यासाठी गेले होते. ता.१९ रोजी दुपारी चार वाजण्याच्या सुमारास आकाश काळे ढग येऊन विजेचा कडकडाटसह हालका पाऊस पडत होता. पाऊस येत असल्याने शेतकरी आपल्या बैलजोडीला घेऊन एका झाडा खाली आसरा घेत होता. मोठ्या प्रमाणात विजेचा कडकडाट होत होता. दुपारी चार वाजण्याच्या सुमारास झाडावर अचानक वीज पडल्याने झाडाखाली थांबलेल्या एका शेतकऱ्यांचा व बाजूला असलेला एक बैलाचा जागीच मृत्यू झाल्याची घटना घडली.

वीज पडल्याने शेतकऱ्यांसह बैलाचा मृत्यू झाल्याची माहिती गावकऱ्यांना कळताच गावातील नागरिकांनी धाव घेऊन घटनेची माहिती तहसीलदार सुरेखा स्वामी यांना दिली.तातडी ने तहसीलदार यांनी तलाठी,महसूल कर्मचाऱ्यांना जायमोक्यावर जाऊन पंचनामा करण्याचे आदेश दिले आहेत.पंचनामा करुन तहसील कार्यालयाकडे सुपूर्द करण्यात आला आहे.एका गरीब शेतकप्यांचा वीज पडून मृत्यू झाल्याने रावणकोळा येते हळहळ व्यक्त करण्यात येत आहे.तातडीने शासनाने मृत्यू पावलेल्या कुंटूबाला तात्काळ मदत देऊन सहकार्य करावे अशी मागणी सरपंच सत्यवान पाटील,मंगेश हुडेकर,सत्यवान दळवे आदिसह गावकऱ्यांनी केली आहे.