आळंद : उमरावती(ता. फुलंब्री) येथे गुरुवारी (ता.25)  दुपारी 12 च्या सुमारास आप्पाराव जाधव (वय 45) या शेतकऱ्याने घराजवळ असलेल्या विहिरीत उडी घेऊन आत्महत्या केली.

विहिरीच्या बाजूला कपडे धुवत असलेल्या महिलेच्या हा प्रकार लक्षात येताच त्यांनी आरडा ओरड केली. दुपारची वेळ असल्याने आजूबाजूला कोणी नसल्याने व गावातील ग्रामस्थ येई पर्यंत जाधव हे विहिरीच्या तळाशी गेलेले होते, अशी माहिती ग्रामस्थांनी दिली. आत्महत्येचे कारण समजू शकले नाही. जाधव हे आळंद येथून एका बैलगाडीत आले आणि गाडीतून उतरून विहिरीकडे पळत आले व विहिरीत उडी घेतली. त्यांना दोन मुले, एक मुलगी असून मोठा मुलगा गाडीवर ड्रायव्हर आहे, तर लहान मुलगा अपंग आहे. त्यांना 30 गुंठे जमीन आहे.