पालम (जि.परभणी) : पालम (Palam) तालुक्यातील पेठशिवणी जवळील डॉ.बाबासाहेब आंबेडकर मागासवर्गीय सूतगिरणीच्या समोरील राष्ट्रीय महामार्गावर रविवारी (ता.२६) जीप व क्रुझरच्या भीषण अपघातात एकाच कुटुंबातील चार व्यक्ती जागीच ठार झाले आहेत. क्रुझरमधील चार व्यक्ती गंभीर जखमी झाल्याची घटना घडली आहे. याबाबत सविस्तर वृत्त असे की तालुक्यातील खरब धानोरा येथील विवाहा सोहळा आटोपून क्रूझर ही लोहा-गंगाखेड या राष्ट्रीय महामार्गावरून गंगाखेडकडे (Gangakhed), तर कार पालमकडुन लोह्याकडे भरधाव वेगाने जात असताना या दोन्ही वाहनांनी समोरासमोर जोराची धडक दिल्याने झालेल्या भीषण अपघातात कारमधील चार जण (Parbhani) जागीच ठार झाले. मृत एकाच कुटुंबातील होते. अनिल लक्ष्मीकांत जहागिरदार (वय ५६), शांताबाई लक्ष्मीकांत जहागीरदार (७०), लक्ष्मीकांत देविदासराव जहागिरदार (७६), विलास साळवे ( ४७, सर्व रा. नांदेड) असे मृतांचे नावे आहेत. क्रुझरमधील मोहन शेटे (वय ३५), दिगंबर शिंगारे (४९), पंडित दयाळ (४६) यांच्यासह इतर सात ते आठ अशी गंभीर रित्या जखमी झाली आहेत. (Four People Of Nanded Residents Died In Accident In Parbhani)

यांच्यावर पालम येथील ग्रामीण रुग्णालयात प्राथमिक उपचार करुन त्यांना पुढील उपचारासाठी नांदेड येथील पाठवण्यात आली असल्याची माहिती ग्रामीण रुग्णालयातील अधिकाऱ्यांनी दिली आहे. अपघाताची माहिती मिळताच उपविभागीय पोलिस अधिकारी गावंडे, पोलिस निरीक्षक काकडे, सहायक पोलीस निरीक्षक विशाल बहात्तरे, पोलिस उपनिरीक्षक विनोद शहाणे, भोसले, नामदेव राठोड, ससाने, आगळे यांच्यासह अनेक कर्मचाऱ्यांनी घटनास्थळावर तातडीने धाव घेऊन मदत कार्य केले. मृत्युंजय दूत, भगवान करंजी, बालाजी बर्डे, रुपेश सिंगारे व रमेश शिंगारे यांच्यासह अनेक नागरिकांनी स्थळावर मदत कार्य सुरू केले

जहागिरदार कुटुंबावर काळाचा घाला

नांदेड येथील रहिवासी असलेले जहागिरदार कुटुंबातील आई-वडील आंबेजोगाई येथील राहत होते. त्यांना अंबाजोगाई येथून नांदेडला (Nanded) कारने येत असताना पेठशिवनीजवळ बाबासाहेब आंबेडकर सूतगिरणी जवळ झालेल्या भीषण अपघातात आई, वडील व मुलगा जागीच ठार झाला असून जागीदार कुटुंबावर मोठे संकट कोसळेल आहे. तर गंभीर जखमी झालेल्या विलास साळवे यांना उपचारासाठी नेत असताना त्यांचा मृत्यू झाला आहे. त्यामुळे या अपघातात चार जण ठार झाले आहेत.