लातूर : लातूरमध्ये उद्यान, बागांचा आधीच वाणवा आहे. त्यात महापालिकेच्या पाठीमागेच असलेल्या नाना नानी पार्क तग धरुन आहे. त्यातही महापालिकेच्या दुर्लक्षामुळे कचऱ्याचे ढीग साचलेले असतात. त्यात गुरुवारी (ता.२१) तर या कचऱ्याच्या ढिगाला कोणी तरी आग लावली. त्याचा मोठा धूर झाला. एक तास हा धूर होता. या पार्कमध्ये फिरण्यासाठी आलेल्या नागरीकांनी यावेळी महापालिकेबद्दल संताप व्यक्त केला.
त्यानंतर नागरीकांनी याची माहिती वरिष्ठांना दिल्यानंतर एक तासांनी अग्निशमन दलाच्या गाडी येऊन कचऱ्याला लागलेली आग व धूर आटोक्यात आणला. बागेची स्वच्छता व निगा राखण्याची जबाबदारी ही महापालिकेची आहे. त्याकडे दुर्लक्ष होत असल्याने असे प्रकार घडत आहेत. शहरात सध्या नागरिकांना फिरण्यासाठी व मुलाना खेळण्यासाठी जिल्हा क्रीडा संकूल व नाना नानी पार्क हे दोनच ठिकाणे आहेत. त्यात नाना नानी पार्कचा बहुतांश भाग महापालिकेने एका खासगी कंपनीला देवून टाकला आहे.
या कंपनी व महापालिकेच्या करारासंदर्भात वाद सुरु आहे. या पार्कमध्ये दररोज सकाळी मॉर्निंग वॉक करण्यासाठी येणाऱ्या नागरिकांची संख्या लक्षणीय आहे. मुले, महिला देखील मोठ्या प्रमाणात या पार्कमध्ये येतात. सायंकाळी देखील फिरणाऱ्यांची गर्दी असते. त्यामुळे या पार्ककडे महापालिकेने अधिक लक्ष देण्याची गरज आहे. पण तसे होताना दिसत नाही. उलट या पार्कच्या परिसरात कचऱ्याचे ढीग केले जात आहेत.
आठ आठ दिवस ते उचललेही जात नाहीत याचा परिणाम फिरण्यासाठी आलेल्या नागरिकावर होत आहे. त्यात गुरुवारी तर या कचऱ्याच्या ढिगाला कोणी तरी आग लावली. त्याचा मोठा धूर झाला. याचा फिरण्यासाठी आलेल्या नागरीकांना त्रास सहन करावा लागला आहे. या घटनेची माहिती मिळाल्यानंतर महापालिकेच्या अग्निशमन दलाच्या गाडीने येऊन या कचऱ्याची आग व धूर आटोक्यात आणला. एक तास हा धूर परिसरात राहिला. पार्कच्या व्यवस्थेकडे महापालिकेने लक्ष देण्याची गरज आहे.
नाना नानी पार्कमध्ये दररोज फिरण्यासाठी नागरिक मोठ्या संख्येने येतात. त्यामुळे पार्कमध्ये स्वच्छता असणे गरजेचे आहे. परंतु येथे कचऱ्याचे ढीग लावले जात आहेत. त्यात गुरुवारी तर कचऱ्याला आग लावल्याने मोठा धूर झाला होता. याची माहिती आयुक्त, सहायक आयुक्तांना दिल्यानंतर एक तासांनी अग्निशमन दलाची गाडी येऊन हा धूर आटोक्यात आणला. शहर हे आधीच प्रदूषित आहे. त्यात असा कचऱ्याचा धूर शरिरासाठी हानिकारक आहे. याकडे महापालिकेने लक्ष देण्याची गरज आहे..
— प्रा. हेमंत वडणे, मराठवाडा संघटक, ग्राहक पंचायत
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.