नायगाव (उस्मानाबाद): कर्नाटक, विदर्भ, कोल्हापूर या भागात दिसणाऱ्या वनगव्याचे नायगाव (ता. कळंब) शिवारात दर्शन झाल्याने शेतकऱ्यांमध्ये दहशत पसरली आहे. याबाबत वन विभागास माहिती देण्यात आली असून, त्याला तत्काळ पकडून जंगलात सोडावे, अशी शेतकऱ्यांनी वनविभागाकडे केली आहे.
सध्या शेतकरी खरीप पिकाच्या मशागतीत व्यस्त आहेत. असे असतानाच रविवारी (ता. एक) दुपारी तीन ते चार वाजेच्या दरम्यान येथील शेतकरी राजाभाऊ शितोळे, बालाजी कोकाटे, गणेश गोरे यांना गवा दिसून आला. त्यांनी त्याचे मोबाइल फोनमध्ये छायाचित्रे घेतली. दरम्यान, भीतीपोटी शेतकऱ्यांनी पळ काढला. पुढे गवा टप्प्याटप्प्याने अनेकांच्या शेतात दिसून आला. याची माहिती येथील ज्येष्ठ नागरिक राजाभाऊ पाटील यांनी वन विभागाच्या अधिकाऱ्यांना दिली. या बाबत शिराढोणचे वनरक्षक डी. एच. कांबळे यांनी वन सेवक ए. पी. डोंगरे यांना नायगाव येथे पाठवण्यात आले.
गव्याला कसलीही इजा करू नये. तो स्वतःच दुसरीकडे निघून जातो; तसेच गवा या वन्य प्राण्याविषयी चुकीची अफवा पसरू नये. ज्या शेतकऱ्यांनी त्याला पाहिले आहे, अशा ठिकाणी जाऊन पाहणी करण्यासाठी सोमवारी सकाळीच वन विभागाच्या वनरक्षक व वनपाल यांना पाठविले आहे.
- अण्णासाहेब मुंडे, वनपाल, कळंब
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.