जळकोट(लातूर): तालुक्यातील ४३ ग्रामपंचायतीच्या सन २०२० ते २०२५ साठीच्या सरपंचपदाचे आरक्षण उपजिल्हाधिकारी प्रवीण मेगशेट्टी यांच्या उपस्थित तहसीलदार संदीप कुलकर्णी यांनी ता.२९ रोजी जाहिर केले. अनुसूचीत जाती राखीव, व अनुसूचीत जमाती प्रवर्गासाठीचे आरक्षण पूर्वीप्रमाणे ठेवण्यात आले आहेत.

अनुसूचीत जाती राखीव प्रवर्गासाठी सोनवळा, कोनाळी डोंगर, होकर्णा, पाटोदा बु,घोणसी, मरसांगवी, असे एकुण सहा ग्रामपंचायती आहेत. अनुसूचित जाती महिलासाठी ढोरसांगवी, कुणकी, केंतसिंदगी, मंगरुळ, वडगाव, तर अनुसूचीत जमाती प्रवर्ग राखीव प्रवर्गासाठी हावरगा, मागास प्रवर्ग राखीव पुरुषासाठी लाळी बु, उमरगा रेतू, धामणगाव, शेलदरा, एकुर्गा खुर्द, येवरी, नागरिकांचा मागास प्रवर्ग महिलासाठी तिरुका, रामपुरतांडा, लाळी खुर्द,उमरदरा, हाळदवाढवणा, पाटोदा खुर्द

जुगार अड्डयावर पोलिसांचा छापा, 20 जणांवर गुन्हा दाखल; 7 लाख रुपयांचे साहित्य...

खुला प्रवर्गसाठी राखीव असलेल्या बेळसांगवी, सुल्लाळी, चेरा, अतनुर, बोरगाव खुर्द, शिवाजीनगर तांडा, गव्हाण, वांजरवाडा, कंरजी 
खुला  महिलासाठी विराळ, गुत्ती, येलदरा, डोंगरगाव, माळहिप्परगा, जगळपुर, कोळनुर, मेवापुर, चिचोली, रावणकोळा, आदि ग्रामपंचायत सरपंच पदाचे आरक्षण झाले.

दरम्यान यातील २७ ग्रामपंचायतीच्या निवडणुका पूर्ण झाल्याने सत्तावीस ग्रामपंचायतीच्या गावकऱ्यांची काही दिवसांत निवड होणार आहे. तालुक्यातील वडगाव ता.जळकोट येथे निवडून आलेल्या सदस्यापैकी एकही अनुसूचीत जातीची महिला निवडून आली नसली तरी येथील सरपंचपदाचे आरक्षण हे अनुसूचीत जाती महिला राखीव करता सुटलेली आहे. तालुक्यातील अनेक गावच्या ग्रामपंचायत सरपंच पदाचे आरक्षण जैसे थे असून तुरळक गावचे सरपंच पदाचे आरक्षणात बदल झाला आहे.तालुक्यातील ४३ पैकी २१ ग्रामपंचायतीवर महिला सरपंच होणार आहेत.

मराठा आरक्षणासाठी आमरण उपोषण करणाऱ्याची प्रकृती खालावली; तातडीने रुग्णालयात...

आरक्षण सोडतीसाठी गटविकास अधिकारी चंद्रहार ढोकणे,नायब तहसीलदार राजा खरात,रऊफ शेख,अजीम शेरवाले,युवराज करेप्पा आदिची निवड करण्यात आली.गणपत कोकणे या सात वर्षाच्या मुलाच्या हाताने काही गावच्या चिठ्ठ्या काढण्यात आल्या.कार्यक्रमास तालुक्यातील नवनिवार्चीत सदस्य, नागरिक उपस्थित होते.