चितेगाव (जि.औरंगाबाद) : औरंगाबाद-पैठण रस्त्यावर चितेगावकडून औरंगाबादकडे जाणाऱ्या कार चालक गुटखा थुंकण्यासाठी कारची गती कमी करुन दरवाजा उघडला. पाठीमागून येणाऱ्या मोटारसायकलला दरवाजाचा धक्का लागला आणि तिचे संतुलन बिघडल्याने समोरुन येणाऱ्या टीपर खाली आल्याने तरुण जागीच ठार झाला. ही घटना सोमवारी (ता.23) दुपारी एकच्या सुमारास चितेगाव (ता.पैठण) येथील पथकर नाक्याजवळ घडली.
रोहित सोनवणे (वय 25, रा.चितेगाव) असे मृत तरुणाचे नाव आहे.
चितेगावकडून औरंगाबादकडे कार चालली होती. त्यामागे रोहित हा मोटारसायकलवरुन (विना क्रमांक) जात होता. कार चालकाने थुंकण्यासाठी दरवाजा उघडला. दरवाजाचा धक्का लागल्याने मोटारसायकलचे संतुलन बिघडले व समोरुन भर धाव येणाऱ्या टिपरखाली येऊन रोहितचा मृत्यू झाला. यामुळे औरंगाबाद-पैठण रस्त्यांवरील वाहतुकीची कोंडी झाली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.