हिंगोली : शहरातील एका वसतीगृहातून बेपत्ता झालेल्या विद्यार्थिनीचा शोध लागला असून तिला तिच्या प्रियकराने लग्नाचे आमिष दाखवून पळवून नेले आणि अत्याचार केला. असा जबाबच या मुलीने दिला आहे. या बाबत शनिवारी हिंगोली शहर पोलिसांकडे तिने जबाब नोंदवला. तिने दिलेल्या तक्रारीनुसार या प्रकरणी तरूणाविरुद्ध अत्याचार केल्याच्या आरोपाखाली गुन्हा दाखल करण्यात आला आहे. योगेश धनवे रा. वाळकी असे तरुणाचे नाव असल्याचे पोलिसांनी सांगितले. शहरातील एका वसतीगृहातील विद्यार्थिनी बीए तृतीय वर्षात शिक्षण घेते.
बुधवारी सकाळी महाविद्यालयात जात असल्याचे सांगून ती वसतीगृहातून निघाली. याबाबत तिने वसतीगृहाच्या रजिस्टरमध्ये नोंद केली होती. मात्र सायंकाळी उशिरापर्यंत ती परत आली नाही. त्यामुळे वसतीगृहाच्या कर्मचाऱ्यांनी या प्रकरणात हिंगोली शहर पोलिस ठाण्यात अर्ज दिला होता. त्यानंतर पोलिस अधीक्षक राकेश कलासागर सहायक पोलिस अधिक्षक यतीश देशमुख यांच्या मार्गदर्शनाखाली पोलिस निरीक्षक पंडित कच्छवे, जमादार एम.एम. टाले यांच्या पथकाने तिचा शोध सुरू केला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.