हिंगोली : कानडखेडा बुद्रूक येथील ३३ केव्हीचे केंद्र सुरू करावे, या प्रमुख मागणीसाठी भाजप युवा मोर्चातर्फे सोमवारी कनेरगाव नाका (ता. हिंगोली) येथे रास्ता रोको आंदोलन करण्यात आले. भाजप युवा मोर्चा लातूर जिल्हा प्रभारी तथा प्रदेश कार्यकारिणी सदस्य शिवाजी मुटकुळे यांच्या नेतृत्वाखाली हे आंदोलन झाले. दरम्यान, महावितरणचे अधिक्षक अभियंत्यांनी ३० जून पर्यंत कानडखेडा बुद्रूक येथील ३३ केव्ही केंद्र सुरू करण्यात येईल, असे लेखी आश्वासन दिले.

यावेळी आमदार तान्हाजी मुटकुळे, माजी खासदार शिवाजी माने, माजी आमदार तथा जिल्हा अध्यक्ष रामराव वडकुते, भाजप युवा मोर्चा जिल्हा अध्यक्ष पप्पू चव्हाण, भाजप तालुका अध्यक्ष संतोष टेकाळे, ॲड. अमोल जाधव, शंकरराव पाटील, डॉ. भानुदास वामन, माणिक लोडे, गजानन नायक, रामेश्वर भालेराव, किसनराव गावंडे, रामचंद्र पाटील, शिवाजी वैद्य, रामेश्वर भालेराव, सरपंच, समाधान पठाडे, गजानन भालेराव, दिलीप भालेराव, रामकिशन पठाडे, गणेश गावंडे, प्रशांत कंधारकर, मनोज सोळंके, शंकर वामन, अमोल बागले, गोपाल मुधळकर, वैभव जुनगरे, दत्तराव मुटकुळे, सचिन शिंदे आदी उपस्थित होते.