हिंगोली : वसमत (Vasmat) तालुक्यातील गुंडा शिवारात एका शेतातून हळदीच्या पिकात साडेसहा लाख रुपये किंमतीची १४३ गांजाची झाडे (Ganja Trees) हट्टा पोलिसांनी बुधवार (ता.एक) जप्त करून शेतमालकास ताब्यात घेतले आहे. पोलिसांनी दिलेल्या माहितीनुसार वसमत तालुक्यातील हट्टा पोलिस ठाण्याअंतर्गत येणाऱ्या गुंडा शिवारात एका शेतात हळदीच्या पिकांत गांजाची झाडे (Hingoli) असल्याची गुप्त माहिती सहायक पोलिस निरीक्षक गजानन मोरे यांना मिळाली होती.त्यानंतर बुधवारी उपविभागीय पोलीस अधिकारी श्री. कांबळे यांच्यासह श्री. मोरे यांनी गुंडा येथे छापा टाकला असता एका शेतात हळदीच्या पिकात साडेसहा लाख रुपये किंमतीची १४३ गांजाची झाडे त्याचे वजन ७६.६९ किलो हट्टा पोलिसांनी बुधवारी जप्त करून शेतमालक उतम भालेराव याला ताब्यात घेतले आहे.

पुढील कारवाई उशीरापर्यंत सुरू होती. दरम्यान, पोलिस अधीक्षक राकेश कलासागर, अपर पोलीस अधीक्षक यशवंत काळे, येतीष देशमुख, उपविभागीय पोलिस अधिकारी किशोर कांबळे यांच्या मार्गदर्शनाखाली हट्टा पोलिस ठाण्याचे सहायक पोलिस निरीक्षक गजानन मोरे, श्री.पठाण, अरविंद गजभार, राजाराम कदम, गणेश लेकुळे, सुमेध कांबळे, मदार शेख, श्री. वाघ श्री.वळसे, श्री.चव्हाण यांनी केली आहे.