हिंगोली : जिल्ह्यात महसूल प्रशासनाने अवैध वाळु उपसा प्रकरणी धरपकड सुरु केल्याने एका महिन्यात ३८ गुन्हे दाखल करत १३० ठिकाणी कारवाया करून दोन कोटी रुपयांचा दंड आकारल्याने वाळू तस्करांचे धाबे दणाणले आहेत.

दरम्यान या संदर्भात आमदार तान्हाजी मुटकुळे यांनी अवैध वाळू उपसा तसेच इतर अवैध धंदे बंद करण्यासाठी जिल्हाधिकारी कार्यालयात धरणे आंदोलन केले होते. तसेच वेळोवेळी या संदर्भात निवेदन देखील दिल्यानंतर महसूल प्रशासन सरसावले त्यांनी कारवायांचा धडाका सुरू केला आहे.

हिंगोली जिल्ह्यात प्रशासनाने १३० कारवाया केल्या, कुठे साठा जप्त केला तर कुठे वाहनासह वाळू जप्त केली. यात ३८ गुन्हे दाखल केले आहेत. यामध्ये सर्वाधिक २२ गुन्हे हे हिंगोली तालुक्यात आहेत.

तर तालुक्यातील आहेत. तर, कळमनुरी १२, वसमत दोन, सेनगाव एक, औंढा एक, यामध्ये २५ आरोपींना अटक करण्यात आली होती. यात हिंगोली २३, कळमनुरी एक तर औंढा तालुक्यातील एकाचा समावेश आहे. यामध्ये औंढा तालुक्यात एका वाळू माफियांनी हल्ला केल्याचे प्रकरण घडले आहे.

दंड वसूल आणि वाहन जप्तीचा धडाका

तालुका निहाय वसूल केलेला दंड पुढीलप्रमाणे हिंगोली पाच लाख २२ हजार, सेनगाव १३ लाख तेरा हजार, कळमनुरी १५.६५, वसमत ६१.०८, तर औंढा २० लाख ४४ हजार रुपये दंड वसूल केला आहे. प्रशासनाने वाहन जप्तीचा धडाका लावला असून यात वसमत ४५, कळमनुरी २३, ओढा न१०, सेनगाव २ तर हिंगोलीत केवळ एकच वाहन जप्त केले आहे.

जिल्ह्यात आतापर्यंत दहा ते पंधरा हजार वाहनांवर. कारवाई होणे अपेक्षित आहे. मात्र, तसे झाले नाही. प्रशासनाने कारवाई सुरू केली हे बरे झाले.

- आमदार तान्हाजी मुटकुळे