हिंगोली :  येथील जिल्हा सामान्य रुग्णालयातील कोरोना बाधित रुग्णावर उपचार सुरु असलेल्या रुग्णांशी जिल्हाधिकारी रुचेश जयवंशी यांनी तब्येतीची विचारपूस करीत बुधवार (ता. नऊ)  संवाद साधल्याने सर्व रुग्ण समाधानी असल्याचे जिल्हाधिकारी रुचेश जयवंशी यांनी सांगितले.

येथील जिल्हा सामान्य रुग्णालयाला दर आठ दिवसाला जिल्हाधिकारी भेट देत असतात, त्यानुसार बुधवारी दुपारी जयवंशी यांनी अचानक रुग्णालयाला भेट दिल्याने सर्वच आरोग्य यंत्रणा खडबडून जागी झाली.जिल्हाधिकारी यांनी संपूर्ण रुग्णालयाची पाहणी केली, तसेच आजघडीला दिवसेंदिवस कोरोना बाधित रुग्णांची वाढती संख्या पाहता रुग्णालयातील कोविड वॉर्डात सर्व सुविधा उपलब्ध आहेत किंवा नाहीत याचा आढावा त्यांनी घेतला. यावेळी त्यांनी उपचारसाठी भरती असलेल्या कोरोना रुग्णांसी संवाद साधला असता रुग्णांकडून कोणतीही तक्रार नसल्याचे सांगून रुग्ण समाधानी असल्याचे जयवंशी यांनी सांगितले.

हेही वाचा -  नांदेड : चिकाळा तांडा येथे गावठी दारूच्या हातभट्टयांवर पोलिसांची कारवाई -

रेमडीसीव्हर इंजेक्शन साठा देखील मोठया प्रमाणात उपलब्ध

रुग्णालयात रुग्णाची संख्या वाढल्याने डॉक्टरवर कामाचा अति ताण पडत असल्याने रुग्णासाठी गैरसोय होऊ नये यासाठी खाजगी डॉक्टरांना देखील वैद्यकीय सेवा पुरविण्याचे आदेश काढले असल्याने आता वेळेवर रुग्णांना औषधी, उपचार करता येणार आहेत. तसेच सामान्य रुग्णालयातील डॉक्टरांना देखील कामासाठी मदत मिळेल असा मोठा निर्णय घेतला असल्याचे त्यांनी सांगितले.रुग्णासाठी ऑक्सिजन पुरवठा देखील पुरेसा असून वेळेवर मागणी नुसार पुरवठा होत असल्याने डॉक्टर बरोबर रुग्ण देखील समाधानी आहेत. याशिवाय रेमडीसीव्हर इंजेक्शन साठा देखील मोठया प्रमाणात उपलब्ध झाल्याने आता कोणत्याही औषधींचा तुटवडानसल्याचे स्पस्ट करून रुग्णांच्या गरजेनुसार जेवढी औषधी पाहिजे तेवढी त्यांना देत आहेत. त्यामुळे आता कोणत्याही रुग्णांची तक्रार नसून सर्व रुग्ण समाधानी असल्याचे जिल्हाधिकारी जयवंशी यांनी बोलताना सांगितले.

संपादन - प्रल्हाद कांबळे