हिंगोली : हिंगोली तालुक्यातील इडोळी ते साटंबा जाणाऱ्या भागात स्थानिक गुन्हे शाखेच्या पथकाने शुक्रवारी(ता.१२) अवैध वाळुची वाहतूक करणारे चार टँक्टर पकडून वाळूसह २३ लाख रुपये किमतीचा मुद्देमाल जप्त केला आहे.

जिल्ह्यातील वाळुच्या चोरटी विक्रीचे वाढते प्रमाण पाहता पोलिस अधीक्षक राकेश कलासागर, स्धानिक गुन्हे शाखेचे पोलीस निरीक्षक उदय खंडेराय यांच्या सुचनेनुसार स्थानिक गुन्हे शाखेच्या पथकाने अवैध वाळूची होत असलेली चोरटी विक्री करणाऱ्या लोकांवर गुन्हे करण्यासाठीची मोहिम राबविणे सुरु केले आहे.  

हेही वाचा -  नांदेड : हळद लागण्यापूर्वीच मुलीने केली आत्महत्या; पाणावलेल्या डोळ्यांनी बाप शोधतोय तरण्या लेकीच्या कृत्याचे कारण

शुक्रवारी सदर पथकाला मिळालेल्या माहिती द्वारे दोन गुन्हे दाखल  करून एकुण चार ट्रक्टर पकडुन २३ लाख रूपयांचा मुद्देमाल जप्त करून हिंगोली ग्रामिण पोलिस ठाण्यात गुन्हा दाखल कण्यात आला आहे. सदर कारवाईत इडोळी ते साटंबा जाणारे रोडवर वाळुची ट्रॅक्टरने चोरटी वाहतुक करीत असतांना चालक उत्तम चक्के, वैजनाथ  डोल्हारे,  कैलास  करडीले, मंगेश डोल्हारे सर्व रा. इंचा ता. जि. हिंगोली हे अवैध्यपणे  वाळू गौण खनिजाची विना परवाना चोरटी विक्रीकामी चार ट्रक्टर, चार सलग्न ट्रॉली व प्रत्येकी एक ब्रास असे एकुण चार ब्रॉस वाळु  वाहतुक करत असतांना मिळून आले.

त्यांच्ये ताब्यातुन मिळुन आलेल्या एकुण चार ब्रास रेती वाळु किंमती २० हजार एकुण चार  ट्रक्टर , चार  सलग्न ट्रॉली किंमत २२ लाख ८० हजार रूपये असा एकूण २३ लाख  मुद्देमाल जप्त करण्यात आला आहे. उत्तम  चक्के,  वैजनाथ डोल्हारे,  कैलास करडीले, मंगेश डोल्हारे,  नारायण डोल्हारे, मालक बंडु कन्हेरकर , शिवाजी डोल्हारे सर्व रा . इंचा यांचेविरूध्द गुन्हा दाखल करण्यात आला आहे. पोलीस उपनिरीक्षक शिवसांब घेवारे, किशोर पोटे, संभाजी लकुळे, भगवान आडे, राजु ठाकुर, दिपक पाटील, आकाश टापरे, चालक शेख जावेद यांच्या पथकाने केली आहे.

संपादन-  प्रल्हाद कांबळे