आखाडा बाळापूर ( जिल्हा हिंगोली ) : येथून जवळ असलेल्या येलकी येथील राष्ट्रीय महामार्गावर भव्य महामार्ग पोलिस चौकी होण्यासाठी व त्या दृष्टीने उभारण्यासाठी प्रशासनाच्यावतीने हालचाली गतिमान झाल्या आहेत. सदर महामार्ग पोलिस चौकी ही जिल्ह्यात नवीन एकमेव होणार आहे.

आखाडा बाळापुरपासून जवळ असलेल्या येलकी शिवारातील सशस्त्र सीमा बलाच्या जवळ महामार्ग पोलिस मदत केंद्र चौकी उभारणी करण्याच्या दृष्टीने हालचाली होऊन त्यासाठी लागणाऱ्या सर्व कागदपत्रांची जुळवाजुळव करुन लवकरच पुढील कारवाई करुन प्रत्यक्ष बांधकामास सुरुवात होणार आहे. त्यादृष्टीने प्रशासनाच्या वतीने पोलिस चौकीकरिता येथील ग्रामपंचायतने नाहरकत परवानासह सर्व कागदपत्र देऊन प्रत्यक्ष जागेची पाहणी महामार्ग पोलिस नांदेड विभागाचे पोलिस निरीक्षक अरुण केंद्रे, उपनिरीक्षक सरपंच वनिता पतंगे, पंचायत समिती सदस्य अंजली पतंगे, ग्रामसेवक पिंटू मुधोळकर यांच्या पथकाने जागेची पाहणी करुन तसा अहवाल प्रशासन व वरिष्ठ पोलिस प्रशासनाकडे दिला आहे. सदरील महामार्ग पोलिस मदत केंद्र चौकी उभारल्यानंतर अपघाताचे प्रमाण दारु पिऊन गाडी चालवणाराचे प्रमाण व इतर लुटमारीचे प्रमाण कमी होण्यास मदत होणार आहे.

हेही वाचा - कोंढा (जि. नांदेड) येथील जोगदंड कुटुंबातील चौदा वर्षीय मुलीने अमेरिकेत विमान उडवून आकाशात झेप घेतली.

शिवारातील गायरान जमिनी मध्यजागेची सदरील भव्य महामार्ग पोलिस मदत केंद्र चौकी उभारण्यात येणार असल्याने निश्चितच गुन्हेगारी वृत्ती व इतर याच्यावर आळा बसण्याची दाट शक्यता आहे. यावेळी येलकी येथील जनार्दन पतंगे, दीपक पतंगे, पोलिस पाटील कैलास चोतमाल, निलेश पतंगे, स्वप्नील पतंगे यासह गावातील नागरिक उपस्थित होते.

येलकी शिवार मधील राष्ट्रीय महामार्गावर भव्य महामार्ग पोलीस चौकी मदत केंद्र उभारण्यात येणार असल्याने त्याकरिता लागणारे सर्व कागदपत्रे मिळून लवकरच प्रत्यक्ष कामाला सुरुवात होणार आहे. व महामार्ग पोलीस चौकी उभारल्यानंतर रस्त्यावर होणारे अपघाताचे प्रमाण व वाहन दारु पिऊन चालविणारे यांचे प्रमाण व इतर गुन्हे कमी होण्यास मदत होणार आहे.

- अरुण केंद्रे, महामार्ग पोलीस निरीक्षक, नांदेड विभाग.

संपादन प्रल्हाद कांबळे