हिंगोली : येथील जिल्हा परिषदेच्या गुरुवारी ता. १० झालेल्या गुगल मिट , व्हिडीओ कॉन्फरन्सच्या  स्थायी समितीच्या बैठकीत पशु संवर्धन विभागातील रिक्त पदे भरण्याची मागणी जीप सदस्य दिलीपराव देसाई यांनी केली. यावर अधिकाऱ्यांनी शासनाकडे रिक्त पदांचा ठराव पाठविण्यात येईल असे सांगितले.

येथील जिल्हा परिषदेच्या सभागृहात स्थायी समितीचे सभापती गणाजी बेले यांच्या अध्यक्षतेखाली  कोरोना प्रादुर्भाव लक्षात घेता व्हिडीओ कॉन्फरन्स द्वारे सभा  पार पडली. यावेळी उपाध्यक्ष मनीष आखरे, समाज कल्याण सभापती फकिरा मुंडे, महिला बालकल्याण सभापती रूपाली पाटील गोरेगावकार, शिक्षण सभापती रत्नमाला चव्हाण , अजित मगर, विठ्ठल चौतमल ,दिलीप देसाई , सीईओ राधाबीनोद शर्मा, अतिरिक्त सीईओ अनुप शेंगुलवार , धनवंत कुमार माळी ,गणेश वाघ, आत्माराम बोन्द्रे, नितीन दाताळ, डॉ. प्रवीण कुमार घुले, यांच्यासह विभाग प्रमुख उपस्थित होते.

हेही वाचा -  हिंगोली : जिल्हाधिकारी जयवंशी यांनी साधला कोरोना रुग्णांशी संवाद

अनेक जनावरे दगावले असल्याचे दिलीप देसाई यांनी सांगितले

जिल्ह्यात जनावरांना लंपी आजाराने त्रस्त केले असून, शेतकऱ्यावर गंडांतर कोसळले आहे. अनेक पशु वैद्यकीय रुग्णालयात डॉक्टरांची रिक्त पदे असल्याने जनावरावर उपचार होत नाहीत, त्यामुळे रिक्त पदे तातडीने भरण्याचा ठराव जिल्हा परिषद सदस्य दिलीपराव देसाई यांनी हा मुद्दा मांडला असता, अधिकाऱ्यांनी हा प्रस्ताव शासनाकडे पाठविण्यात येईल असे सांगितले.हा प्रश्न गंभीर असून, अनेक जनावरे दगावले असल्याचे दिलीप देसाई यांनी सांगितले.तसेच शिक्षकांच्या विषय निहाय समायोजन करण्याचा मुद्दा संजय कावरखे यांनी उपस्थित केला असता, यावर शिक्षण अधिकाऱ्यांनी शाळेची माहिती घेऊन ज्या शाळेत विषय शिक्षकांची रिक्त पदे पाहूनच समायोजन करण्याचे अश्वासन दिले.

संपादन - प्रल्हाद कांबळे