हिंगोली : कळमनुरी तालुक्यातील पोतरा व परिसरातील काही गावात सोमवारी (ता. १८) सायंकाळी सहा वाजता जमिनितुन गुढ आवाज आला. यामुळे नुकसान झाले नाही मात्र गावकरी भयभीत झाले आहेत.

पोतरा येथे मागच्या काही दिवसांपासून जमीनीतुन गुढ आवाज येत आहेत दोन महिन्यात चार वेळेस हे आवाज आले आहेत. डिसेंबर महिन्यात झालेल्या आवाजाने येथील शेतकरी रामराव मुलगीर यांची शेतातील विहिरी कोसळली आहे. गावात मात्र अद्याप कोणत्याही प्रकारची हानी झाली नाही. 

हेही वाचा - Motivational Story : नांदेड जिल्ह्यातील बहिणी- बहिणीची शेती !

याबाबत गावकऱ्यांनी प्रशासनाकडे ही माहिती दिली मात्र या बाबतचे गुढ उकलले नाही. एप्रिल महिन्यात झालेल्या आवाजाची रिश्टर स्केलवर नोंद झाली होती. यावेळी हा भुकंपाचा सौम्य धक्का असल्याचे सांगण्यात आले होते. त्यानंतर आवाजाची मालिका सुरुच आहे. सोमवारी सायंकाळी सहा वाजता गावात जमिनीतुन परत गुढ आवाज आला आहे. यामुळे गावकरी भयभीत झाले आहेत. प्रशासनाने याकडे लक्ष देऊन आवाजाचे गुढ उकलावे अशी मागणी केली जात आहे.

संपादन- प्रल्हाद कांबळे