परभणी : निष्काम सेवा बजावणाऱ्या होमगार्ड या संघटनेचा जवानांची प्रत्येक वेळेस मदत घेतली जाते. परंतु सध्याच्या आणीबाणीच्या परिस्थितीत सर्व होमगार्डचे जवान घरीच बसून असल्याचे दिसत आहे. या विपरीत परिस्थितीत या जवानांना कामावर बोलून परिस्थिती हाताळण्याच्या आदेश द्यावेत, अशी मागणी होऊ लागली आहे.

संपूर्ण राज्यात संचारबंदी लागू झाली आहे. ‘कोरोना’ विषाणूंच्या संसर्गापासून वाचण्यासाठी राज्यभरात लॉकडाऊन करण्यात आले आहे. पोलिसांवर या संचारबंदीच्या काळात कामाचा अतिरिक्त ताण येत आहे. कायदा व सुव्यवस्था सांभाळणे त्याचबरोबर संचारबंदीच्या काळात नागरिकांना घरात पाठवणे तसेच  गरजवंतांना खाद्य साहित्य पुरवठा करण्याचे कामदेखील पोलिसांना करावे लागत आहे. या काळात पोलिसांच्या मदतीला गृहरक्षक दलाचे जवान दिल्यास पोलिसांवरील कामाचा अतिरिक्त ताण कमी होण्यास मदत होईल. परभणी जिल्ह्यात साडेसातशे ते आठशे होमगार्ड आहेत. यापैकी अनेक होमगार्ड सध्या घरी बसून आहेत सरकार मजूर कामगार यांच्या बद्दल सकारात्मक विचार करत असला तरी देशाच्या व देशांतर्गत सुरक्षेच्या कामात महत्त्वाचा रोल बजावणाऱ्या होमगार्ड जवानांना या काळात कामावर बोलून पोलिसांवर आलेला अतिरिक्त ताण कमी करावा, आणि होमगार्ड हाताला या काळात काम द्यावे अशी मागणी होऊ लागली आहे.

हेही वाचा - कोल्हापुरी बंधाऱ्याने १९४ एकरांवरील क्षेत्र सुजलाम् ...

हेही वाचा ....

आखाडा बाळापूर येथे गरजुंना अन्नधान्याचे वाटप
आखाडा बाळापूर (जि.हिंगोली) : जिल्हा काँग्रेस समिती व संजय बोंढारे पाटील मित्र मंडळाच्या वतीने रविवारी (ता.२९) गरजूंना अन्नधान्याचे वाटप कुसुमताई चव्हाण सभागृहात करण्यात आले. दररोज मजुरी करून उदरनिर्वाह करणाऱ्या मजुरांच्या पोटापाण्याचा प्रश्न निर्माण झाला आहे. मजुरांची होणारी अडचण लक्षात घेता जिल्हा काँग्रेस समिती व संजय पाटील बोंढारे मित्रमंडळाने मजुरांच्या भोजनाचा प्रश्न सोडविण्याचा निर्णय घेतला आहे. त्यानुसार जिल्हाध्यक्ष संजय पाटील बोंढारे, सरपंच जिया कुरेशी, पोलिस निरीक्षक विकास थोरात, बाजार समिती सभापती दत्ता बोंढारे, अरुण सूर्यवंशी, अजहर पठाण, शेषराव बोंढारे, पांडुरंग बोंढारे, मोहम्मद गौस, शहबाज कुरेशी यांच्या उपस्थितीत मजुरांना धान्य वाटप करण्यात आले. गावातील सुमारे शंभरपेक्षा अधिक मजुरांना एक महिनाभर पुरेल एवढे धान्य वाटप करण्यात आले.

हेही वाचा - आडळकरांनी घडविले माणुसकीचे दर्शन

हेही वाचा..

बोथी येथे गरजुंना अन्नधान्याचे वाटप
आखाडा बाळापूर (जि.हिंगोली): कळमनुरी तालुक्‍यातील बोथी येथे खासदार ॲड. राजीव सातव यांनी केलेल्या आवाहनानुसार जिल्हा परिषद सदस्य डॉ. सतिश पाचपुते यांच्या हस्ते सोमवारी (ता.३०) गरजू व्यक्तींना गहु, तांदूळ व साबनाचे वाटप करण्यात आले. या वेळी पंचायत समिती सदस्य दिलीप डुकरे, मारोती डुकरे, नंदकुमार बोथीकर, लक्ष्मण खोकले, परसराम डुकरे, पोलिस पाटील संतोष बोथीकर, तंटामुक्‍तीचे अध्यक्ष विठ्ठलराव डुकरे, नितिन डुकरे, नारायण काळे, राजु बोथीकर, तोलबा डुकरे, दादाराव डुकरे, बबन वागतकर, साहेबराव डुकरे, भीमराव सावळे, गंगाधर डुकरे आदींची उपस्थिती होती.
...