माजलगाव (बीड) : शहरा पासून जवळच असलेल्या फुले पिंपळगाव जवळील मॅनकॉट जिनींगमध्ये आज सकाळी  उषा गणेश ढवळे (रा.शेलगाव देशमुख ता.मेहकर जि.बुलढाणा) या महिलेचा पतीने संशयाच्या कारणावरून गळा दाबून खून केल्याची घटना (ता. 9) शनिवारी घडली असून आरोपी  गणेश ढवळे यास पोलिसांनी एका तासात अटक केली आहे. 

शहरातील मनकोट कापूस केंद्रावर उषा व गणेश ढवळे हे पती पत्नी कामगार आहे. मागील काही दिवसांपासून ते कामासाठी माजलगावला आले होते. शहरातीलच मॅनकॉट जिनींगवर काम करून उदरनिर्वाह भागवित होते. गणेशचा पत्नीवर नेहमी संशय असे. तिच्या चारित्र्यावर संशय घेऊन तो तिला मारहाण करण्याबरोबरच तिचा शारिरीक व मानसिक छळ करीत होता. याच संशयातून दोघांमध्ये वाद झाले. यातच गणेशने उषाचा गळा दाबून खून केला. आज  सकाळी सात वाजता ही घटना उघडकीस आली. 

सदरील घटनेची माहिती मिळताच शहर पोलीस ठाण्याचे पोलीस निरीक्षक सय्यद सुलेमान यांनी घटनास्थळी धाव घेतली. पतीवर संशय आल्याने त्यांनी तात्काळ पथके रवाना केली आणि अवघ्या तासात  आरोपी  गणेशला पोलिसांनी अटक केली असून  त्याने गुन्हा कबूल केल्याचे पोलीस सूत्रांकडून सांगितले
दरम्यान या घटनेने खळबळ उडाली आहे.