नांदेड : मुंबई येथे कार्यरत असलेले विशेष पोलिस महानिरीक्षक मनोज लोहिया यांची नांदेड परिक्षेत्राच्या विशेष पोलिस महानिरीक्षकपदी नियुक्ती करण्यात आली आहे. त्यांनी काल पदभार स्वीकारला आहे.
राज्याच्या गृह विभागाकडून गुरुवारी राज्यातील काही पोलिस अधीक्षक आणि पोलिस उपायुक्त दर्जाच्या अधिकाऱ्यांच्या बदल्या करण्यात आल्या होत्या. त्यात नांदेड परिक्षेत्राचे विशेष पोलिस महानिरीक्षक प्रकाश मुत्याल आणि पोलिस अधीक्षक संजय जाधव यांची बदली झाली होती.
मुंबई येथे कार्यरत असलेले विशेष पोलिस महानिरीक्षक मनोज लोहिया यांची नांदेड परिक्षेत्राचे विशेष पोलिस महानिरीक्षकपदी तर सोलापूर येथील उपायुक्त विजयकुमार मगर यांची पोलिस अधीक्षक नांदेड या पदावर बदली झाली. आज शुक्रवारी मुंबई येथून विमानाने मनोज लोहिया यांचे सायंकाळी सहा वाजता गुरु गोविंदसिंग विमानतळावर आगमन झाले. पोलिस उपाधीक्षक विजय जोंधळे यांनी त्यांचे विमानतळावर स्वागत केले.
त्यानंतर रात्री आठ वाजता विशेष पोलिस महानिरीक्षक प्रकाश मुत्याल यांच्याकडून त्यांनी आपल्या पदाचा पदभार घेतला. यावेळी पोलिस अधीक्षक संजय जाधव परभणीचे पोलिस अधीक्षक उपाध्याय, हिंगोलीचे योगेशकुमार आणि लातूरचे पोलिस अधीक्षक यांच्यासह वरिष्ठ पोलिस अधिकारी उपस्थित होते. रात्री उशिरा नूतन पोलिस अधीक्षक विजयकुमार मगर यांचेही नांदेडमध्ये आगमन झाल्याचे सांगण्यात आले. ते शनिवारी आपल्या पदाचा पदभार घेणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.