मराठवाडा

बेकायदा बांधकाम भोवणार!

सकाळवृत्तसेवा
एमआयएमच्या दोन नगरसेवकांना प्रशासनाने बजावल्या नोटीस
औरंगाबाद - बेकायदेशीर बांधकाम केल्याबद्दल महापालिका प्रशासनाने एमआयएमच्या दोन नगरसेवकांना नोटीस बजावली आहे. या नोटिसीच्या उत्तरानंतर त्यांना नगरसेवक पद रद्द करण्यात का येऊ नये अशी नोटीस बजावली जाणार असल्याचे सूत्रांनी सांगितले.

महापालिका कार्यक्षेत्रात अनधिकृत बांधकामांना लोकप्रतिनिधींनी प्रोत्साहन देऊ नये. प्रत्येक वॉर्डातील नगरसेवकांनी बेकायदेशीर बांधकाम होणार नाही, याची काळजी घेतली पाहिजे, अशी अपेक्षा असते; मात्र खुद्द नगरसेवकांनीच अनधिकृत बांधकाम केल्याने या नोटिसा बजावण्यात आल्या आहेत. सूत्रांनी दिलेल्या माहितीनुसार एमआयएमच्या शहाबाजार वॉर्डाच्या नगरसेविका सरवत बेगम व नवाबपुरा वॉर्डाचे नगरसेवक फेरोजखान यांना अनधिकृत बांधकाम केल्याबद्दल महापालिका प्रशासनाने नोटीस बजावली आहे. या नोटिसीच्या उत्तरानंतर अनधिकृत बांधकाम पाडण्यात येईल, तसेच या दोन्ही नगरसेवकांना अनधिकृत बांधकामाबद्दल नगरसेवक पदासाठी अपात्र का ठरवण्यात येऊ नये अशा आशयाची महाराष्ट्र महानगरपालिका अधिनियम 10 "ड' ची नोटीस बजावण्यात येईल, असे सूत्रांनी सांगितले. एमआयएमचे नगरसेवक फेरोजखान यांना या पूर्वीच महापालिका आयुक्‍त ओम प्रकाश बकोरिया यांनी अशा आशयाची नोटीस बजावली आहे. फेरोज खान व त्यांच्या भावाने पाणीपुरवठा विभागाचे कार्यकारी अभियंता सरताजसिंग चहल यांना त्यांच्या दालनात जाऊन धमकी दिली होती, या अशोभनीय वर्तनाबद्दल आयुक्‍तांनी त्यांना यापूर्वी आपणांस अपात्र का ठरवू नये अशा आशयाची नोटीस बजावली आहे.

श्री. चहल यांनाही नोटीस
महापालिकेच्या पाणीपुरवठा विभागाचे कार्यकारी अभियंता सरताजसिंग चहल यांचे म्हाडा वसाहतीमध्ये घर आहे. त्यांनी घरावर अनधिकृत बांधकाम केल्याची तक्रार करण्यात आली आहे. त्या आधारे श्री. चहल यांनाही अनधिकृत बांधकामाबाबत नोटीस देऊन त्यांचे म्हणणे मांडण्यास सांगण्यात आले असल्याचे सूत्रांनी सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Also Read

Mumbai Riots: मुंबईतील 1992च्या दंगलीतील खटले निकाली काढा; सुप्रीम कोर्टाचे सरकारला निर्देश

IPL 2024 MI vs SRH Live Score: मुंबईला दुसऱ्याच षटकात मोठा धक्का! इशान किशन झाला आऊट

Vijay Wadettivar: वडेट्टीवारांविरोधात भाजपची निवडणूक आयोगात तक्रार; मुंबई हल्ल्यावरील विधानावर केलं होतं भाष्य

Arvind Kejriwal: नायब राज्यपालांकडून केजरीवाल पुन्हा टार्गेट! खलिस्तान्यांकडून पैसा घेतल्याची केली NIAकडं तक्रार

Team India Jersey: T20 वर्ल्ड कपमध्ये टीम इंडिया दिसणार नव्या रुपात, नवी जर्सी झाली लाँच; पाहा Video

SCROLL FOR NEXT